gopeśvaratīrthamāhātmyavarṇanam
śrīmārkaṇḍeya uvāca
gopeśvaraṃ tato gacchetsarpakṣetrādanantaram |
yatra snānena caikena mucyante pātakairnarāḥ
||1||गोपेश्वरं ततो गच्छेत्सर्पक्षेत्रादनन्तरम् ।
यत्र स्नानेन चैकेन मुच्यन्ते पातकैर्नराः
tatra tīrthe tu yaḥ snātvā kurute prāṇasaṃkṣayam |
sa gacchedyadi yukto'pi pāpena śivamandiram
||2||तत्र तीर्थे तु यः स्नात्वा कुरुते प्राणसंक्षयम् ।
स गच्छेद्यदि युक्तोऽपि पापेन शिवमन्दिरम्
tatra tīrthe tu yaḥ snātvā pūjayeddevamīśvaram |
mucyate sarvapāpaiśca rudralokaṃ sa gacchati
||3||तत्र तीर्थे तु यः स्नात्वा पूजयेद्देवमीश्वरम् ।
मुच्यते सर्वपापैश्च रुद्रलोकं स गच्छति
krīḍitvā ca yathākāmaṃ rudraloke mahātapāḥ |
iha mānuṣyatāṃ prāpya rājā bhavati dhārmikaḥ
||4||क्रीडित्वा च यथाकामं रुद्रलोके महातपाः ।
इह मानुष्यतां प्राप्य राजा भवति धार्मिकः
hastyaśvarathasampanno dāsīdāsasamanvitaḥ |
pūjyamāno narendraiśca jīvedvarṣaśataṃ sukhī
||5||हस्त्यश्वरथसम्पन्नो दासीदाससमन्वितः ।
पूज्यमानो नरेन्द्रैश्च जीवेद्वर्षशतं सुखी
iti śrīskānde mahāpurāṇa ekāśītisāhasryāṃ saṃhitāyāṃ pañcama āvantyakhaṇḍe revākhaṇḍe gopeśvaratīrthamāhātmyavarṇanaṃ nāma dviṣaṣṭyuttaraśatatamo'dhyāyaḥ ||