koṭitīrthamāhātmyavarṇanam
śrīmārkaṇḍeya uvāca
tato gacchettu rājendra koṭitīrthamanuttamam |
ṛṣikoṭirgatā tatra parāṃ siddhimupāgatā
||1||ततो गच्छेत्तु राजेन्द्र कोटितीर्थमनुत्तमम् ।
ऋषिकोटिर्गता तत्र परां सिद्धिमुपागता
tatra tīrthe tu yaḥ snātvā bhojayedbrāhmaṇāñchuciḥ |
ekasminbhojite vipre koṭirbhavati bhojitā
||2||तत्र तीर्थे तु यः स्नात्वा भोजयेद्ब्राह्मणाञ्छुचिः ।
एकस्मिन्भोजिते विप्रे कोटिर्भवति भोजिता
tatra tīrthe tu yaḥ snātvā pūjayetpitṛdevatāḥ |
pūjite tu mahādeve vājapeyaphalaṃ labhet
||3||तत्र तीर्थे तु यः स्नात्वा पूजयेत्पितृदेवताः ।
पूजिते तु महादेवे वाजपेयफलं लभेत्
iti śrīskānde mahāpurāṇa ekāśītisāhasryāṃ saṃhitāyāṃ pañcama āvantyakhaṇḍe revākhaṇḍe koṭitīrthamāhātmyavarṇanaṃ nāma trayodaśādhikaśātatamo'dhyāyaḥ ||