haṃsatīrthamāhātmyavarṇanam
śrīmārkaṇḍeya uvāca
tato gaccheddharādhīśa haṃsatīrthamanuttamam |
yatra haṃsastapastaptvā brahmavāhanatāṃ gataḥ
||1||ततो गच्छेद्धराधीश हंसतीर्थमनुत्तमम् ।
यत्र हंसस्तपस्तप्त्वा ब्रह्मवाहनतां गतः
haṃsatīrthe naraḥ snātvā dānaṃ dattvā ca kāñcanam |
sarvapāpavinirmukto brahmalokaṃ sa gacchati
||2||हंसतीर्थे नरः स्नात्वा दानं दत्त्वा च काञ्चनम् ।
सर्वपापविनिर्मुक्तो ब्रह्मलोकं स गच्छति
haṃsayuktena yānena taruṇādityavarcasā |
sarvakāmasamṛddhena sevyamāno'psarogaṇaiḥ
||3||हंसयुक्तेन यानेन तरुणादित्यवर्चसा ।
सर्वकामसमृद्धेन सेव्यमानोऽप्सरोगणैः
tatra bhuktvā yathākāmaṃ sarvān bhogān yathepsitān |
jātismaro hi jāyeta punarmānuṣyamāgataḥ
||4||तत्र भुक्त्वा यथाकामं सर्वान् भोगान् यथेप्सितान् ।
जातिस्मरो हि जायेत पुनर्मानुष्यमागतः
saṃnyāsena tyajeddehaṃ mokṣamāpnoti bhārata
||5||संन्यासेन त्यजेद्देहं मोक्षमाप्नोति भारत
etatte kathitaṃ pārtha haṃsatīrthasya yatphalam |
sarvapāpaharaṃ puṇyaṃ sarvaduḥkhavināśanam
||6||एतत्ते कथितं पार्थ हंसतीर्थस्य यत्फलम् ।
सर्वपापहरं पुण्यं सर्वदुःखविनाशनम्
iti śrīskānde mahāpurāṇa ekāśītisāhasryāṃ saṃhitāyāṃ pañcama āvantyakhaṇḍe revākhaṇḍe haṃsatīrthamāhātmyavarṇanaṃ nāma ṣaṇṇavatyuttaraśatatamo'dhyāyaḥ ||