agnitīrthamāhātmyavarṇanam
mārkaṇḍeya uvāca
tato gacchettu rājendra agnitīrthamanuttamam |
tatra snātvā tu pakṣādau mucyate sarvakilbiṣaiḥ
||1||ततो गच्छेत्तु राजेन्द्र अग्नितीर्थमनुत्तमम् ।
तत्र स्नात्वा तु पक्षादौ मुच्यते सर्वकिल्बिषैः
tatra tīrthe tu yaḥ kanyāṃ dadyātsvayamalaṃkṛtām |
tasya yatphalamuddiṣṭaṃ tacchṛṇuṣva narottama
||2||तत्र तीर्थे तु यः कन्यां दद्यात्स्वयमलंकृताम् ।
तस्य यत्फलमुद्दिष्टं तच्छृणुष्व नरोत्तम
agniṣṭomātirātrābhyāṃ śataṃ śataguṇīkṛtam |
prāpnoti puruṣo dattvā yathāśaktyā hyalaṃkṛtām
||3||अग्निष्टोमातिरात्राभ्यां शतं शतगुणीकृतम् ।
प्राप्नोति पुरुषो दत्त्वा यथाशक्त्या ह्यलंकृताम्
tasyāḥ putraprapautrāṇāṃ yā bhavedromasaṃgatiḥ |
sa yāti tena mānena śivaloke parāṃ gatim
||4||तस्याः पुत्रप्रपौत्राणां या भवेद्रोमसंगतिः ।
स याति तेन मानेन शिवलोके परां गतिम्
iti śrīskānde mahāpurāṇa ekāśītisāhasryāṃ saṃhitāyāṃ pañcama āvantyakhaṇḍe revākhaṇḍe agnitīrthamāhātmyavarṇanaṃ nāma saptaviṃśatyuttaraśatatamo'dhyāyaḥ ||