bhaṇḍārītīrthamāhātmyavarṇanam
śrīmārkaṇḍeya uvāca
tato gaccheta rājendra bhaṇḍārītīrthamuttamam |
daridracchedakaraṇaṃ yugānyekonaviṃśatiḥ
||1||ततो गच्छेत राजेन्द्र भण्डारीतीर्थमुत्तमम् ।
दरिद्रच्छेदकरणं युगान्येकोनविंशतिः
dhanadena tapastaptvā prasanne padmasambhave |
tatraiva svalpadānena prāptaṃ vittasya rakṣaṇam
||2||धनदेन तपस्तप्त्वा प्रसन्ने पद्मसम्भवे ।
तत्रैव स्वल्पदानेन प्राप्तं वित्तस्य रक्षणम्
tatra gatvā tu yo bhaktyā snātvā vittaṃ prayacchati |
tasya vittaparicchedo na kadācidbhaviṣyati
||3||तत्र गत्वा तु यो भक्त्या स्नात्वा वित्तं प्रयच्छति ।
तस्य वित्तपरिच्छेदो न कदाचिद्भविष्यति
iti śrīskānde mahāpurāṇa ekāśītisāhasryāṃ saṃhitāyāṃ pañcama āvantyakhaṇḍe revākhaṇḍe bhaṇḍārītīrthamāhātmyavarṇanaṃ nāma saptottaraśatatamo'dhyāyaḥ ||