narmadādakṣiṇe kūle sarvapāpakṣayaṃkaram
śrīmārkaṇḍeya uvāca
tato gacchettu rājendra pūtikeśvaramuttamam |
narmadādakṣiṇe kūle sarvapāpakṣayaṃkaram
||1||ततो गच्छेत्तु राजेन्द्र पूतिकेश्वरमुत्तमम् ।
नर्मदादक्षिणे कूले सर्वपापक्षयंकरम्
sthāpitaṃ jāmbuvantena lokānāṃ tu hitārthinā |
rājā prasenajinnāma tasyāṃ vakṣasthalānmaṇau
||2||स्थापितं जाम्बुवन्तेन लोकानां तु हितार्थिना ।
राजा प्रसेनजिन्नाम तस्यां वक्षस्थलान्मणौ
samutkṣipte tu tenaiva sapūtirabhavadvraṇaḥ |
tatra tīrthe tapastaptvā nirvraṇaḥ samajāyata
||3||समुत्क्षिप्ते तु तेनैव सपूतिरभवद्व्रणः ।
तत्र तीर्थे तपस्तप्त्वा निर्व्रणः समजायत
tena tatsthāpitaṃ liṅgaṃ pūtikeśvaramuttamam |
yastatra manujo bhaktyā snāyādbharatasattama
||4||तेन तत्स्थापितं लिङ्गं पूतिकेश्वरमुत्तमम् ।
यस्तत्र मनुजो भक्त्या स्नायाद्भरतसत्तम
sarvānkāmānavāpnoti sampūjya parameśvaram |
kṛṣṇāṣṭamyāṃ caturdaśyāṃ sarvakālaṃ narādhipa |
ye'rcayanti sadā devaṃ te na yānti yamālayam
||5||सर्वान्कामानवाप्नोति सम्पूज्य परमेश्वरम् ।
कृष्णाष्टम्यां चतुर्दश्यां सर्वकालं नराधिप ।
येऽर्चयन्ति सदा देवं ते न यान्ति यमालयम्
iti śrīskānde mahāpurāṇa ekāśītisāhasryāṃ saṃhitāyāṃ pañcama āvantyakhaṇḍe revākhaṇḍe pūtikeśvaratīrthamāhātmyavarṇanaṃ nāmaikonanavatitamo'dhyāyaḥ ||