koṭitīrthamāhātmyavarṇanam
śrīmārkaṇḍeya uvāca
tato gaccheddharādhīśa koṭitīrthamanuttamam |
yatra siddhā mahābhāgāḥ koṭisaṃkhyā maharṣayaḥ
||1||ततो गच्छेद्धराधीश कोटितीर्थमनुत्तमम् ।
यत्र सिद्धा महाभागाः कोटिसंख्या महर्षयः
tapaḥ kṛtvā suvipulamṛṣibhiḥ sthāpitaḥ śivaḥ |
tathā koṭīśvarī devī cāmuṇḍā mahiṣārdinī
||2||तपः कृत्वा सुविपुलमृषिभिः स्थापितः शिवः ।
तथा कोटीश्वरी देवी चामुण्डा महिषार्दिनी
kṛṣṇapakṣe caturdaśyāṃ māsi bhādrapade nṛpa |
tīrthakoṭīḥ samāhūya munibhiḥ sthāpitaḥ śivaḥ
||3||कृष्णपक्षे चतुर्दश्यां मासि भाद्रपदे नृप ।
तीर्थकोटीः समाहूय मुनिभिः स्थापितः शिवः
tasyāṃ tithau ca hastarkṣaṃ sarvapāpapraṇāśanam |
tatra tīrthe tadā gatvā snānaṃ kṛtvā samāhitaḥ
||4||तस्यां तिथौ च हस्तर्क्षं सर्वपापप्रणाशनम् ।
तत्र तीर्थे तदा गत्वा स्नानं कृत्वा समाहितः
narakāduddharatyāśu puruṣānekaviṃśatim |
tilodakapradānena kimuta śrāddhado naraḥ
||5||नरकादुद्धरत्याशु पुरुषानेकविंशतिम् ।
तिलोदकप्रदानेन किमुत श्राद्धदो नरः
snānaṃ dānaṃ japo homaḥ svādhyāyo devatārcanam |
tasya tīrthasya yogena sarvaṃ koṭiguṇaṃ bhavet
||6||स्नानं दानं जपो होमः स्वाध्यायो देवतार्चनम् ।
तस्य तीर्थस्य योगेन सर्वं कोटिगुणं भवेत्
iti śrīskānde mahāpurāṇa ekāśītisāhasryāṃ saṃhitāyāṃ pañcama āvantyakhaṇḍe revākhaṇḍe koṭitīrthamāhātmyavarṇanaṃ nāma tryuttaradviśatatamo'dhyāyaḥ ||