etatte sarvamākhyātaṃ yatpṛṣṭo'smi varānane
īśvara uvāca
etatte sarvamākhyātaṃ yatpṛṣṭo'smi varānane ||
sarveṣāmeva tīrthānāṃ sāraṃ tīrthasamuccayam
||1||एतत्ते सर्वमाख्यातं यत्पृष्टोऽस्मि वरानने ॥
सर्वेषामेव तीर्थानां सारं तीर्थसमुच्चयम्
eteṣvahaṃ varārohe sarveṣveva vyavasthitaḥ ||
nāmnā cānyeṣu tīrtheṣu tridaśānāṃ hitārthataḥ
||2||एतेष्वहं वरारोहे सर्वेष्वेव व्यवस्थितः ॥
नाम्ना चान्येषु तीर्थेषु त्रिदशानां हितार्थतः
yo māmeteṣu tīrtheṣu snātvā paśyati mānavaḥ ||
kīrtayetkīrtanānnāmnā sa nūnaṃ mokṣamāpnuyāt
||3||यो मामेतेषु तीर्थेषु स्नात्वा पश्यति मानवः ॥
कीर्तयेत्कीर्तनान्नाम्ना स नूनं मोक्षमाप्नुयात्
śrīdevyuvāca
yeṣu tīrtheṣu yannāma kīrtanīyaṃ tava prabho ||
tatkārtsyena mama brūhi yaccahaṃ tava vallabhā
||4||येषु तीर्थेषु यन्नाम कीर्तनीयं तव प्रभो ॥
तत्कार्त्स्येन मम ब्रूहि यच्चहं तव वल्लभा
īśvara uvāca
vārāṇasyāṃ mahādevaṃ prayāge ca maheśvaram ||
naimiṣe devadevaṃ ca gayāyāṃ prapitāmaham
||5||वाराणस्यां महादेवं प्रयागे च महेश्वरम् ॥
नैमिषे देवदेवं च गयायां प्रपितामहम्
kurukṣetre viduḥ sthāṇuṃ prabhāse śaśiśekharam ||
puṣkare tu hyajāgandhiṃ viśvaṃ viśveśvare tathā
||6||कुरुक्षेत्रे विदुः स्थाणुं प्रभासे शशिशेखरम् ॥
पुष्करे तु ह्यजागन्धिं विश्वं विश्वेश्वरे तथा
aṭṭahāse mahānādaṃ mahendre ca mahāvratam ( 10) ||
ujjayinyāṃ mahākālaṃ marukoṭe mahotkaṭam
||7||अट्टहासे महानादं महेन्द्रे च महाव्रतम् ( १०) ॥
उज्जयिन्यां महाकालं मरुकोटे महोत्कटम्
śaṃkukarṇe mahātejaṃ gokarṇe ca mahābalam ||
rudrakoṭyāṃ mahāyogaṃ mahāliṃgaṃ sthaleśvare
||8||शंकुकर्णे महातेजं गोकर्णे च महाबलम् ॥
रुद्रकोट्यां महायोगं महालिंगं स्थलेश्वरे
harṣite ca tathā harṣaṃ vṛṣabhaṃ vṛṣabhadhvaje ||
kedāre caiva īśānaṃ śarvaṃ madhyamakeśvare ( 20 )|
ṃ
||9||हर्षिते च तथा हर्षं वृषभं वृषभध्वजे ॥
केदारे चैव ईशानं शर्वं मध्यमकेश्वरे ( २० )।
ं
suparṇākṣaṃ sahasrākṣe susūkṣmaṃ kārtikeśvare ||
bhavaṃ vastrāpathe devi hyugraṃ kanakhale tathā
||10||सुपर्णाक्षं सहस्राक्षे सुसूक्ष्मं कार्तिकेश्वरे ॥
भवं वस्त्रापथे देवि ह्युग्रं कनखले तथा
bhadrakarṇe śivaṃ caiva daṇḍake daṇḍinaṃ tathā ||
ūrdhvaretaṃ tridaṇḍāyāṃ caṇḍīśaṃ kṛmijāṃgale
||11||भद्रकर्णे शिवं चैव दण्डके दण्डिनं तथा ॥
ऊर्ध्वरेतं त्रिदण्डायां चण्डीशं कृमिजांगले
kṛttivāsaṃ tathaikāmre chāgaleye kapardinam 030) ||
kāliñjare nīlakaṇṭhaṃ śrīkaṇṭhaṃ maṇḍaleśvare
||12||कृत्तिवासं तथैकाम्रे छागलेये कपर्दिनम् ०३०) ॥
कालिञ्जरे नीलकण्ठं श्रीकण्ठं मण्डलेश्वरे
vijayaṃ caiva kāśmīre jayantaṃ marukeśvare ||
hariścandre haraṃ caiva puraścandre ca śaṃkaram
||13||विजयं चैव काश्मीरे जयन्तं मरुकेश्वरे ॥
हरिश्चन्द्रे हरं चैव पुरश्चन्द्रे च शंकरम्
jaṭiṃ vāmeśvare vindyātsaumyaṃ vai kukkuṭeśvare ||
bhūteśvaraṃ bhasmagātre oṃkāre'marakaṇṭakam ( 40)
||14||जटिं वामेश्वरे विन्द्यात्सौम्यं वै कुक्कुटेश्वरे ॥
भूतेश्वरं भस्मगात्रे ओंकारेऽमरकण्टकम् ( ४०)
tryaṃbakaṃ ca trisaṃdhyāyāṃ virajāyāṃ trilocanam ||
dīptamarkeśvare jñeyaṃ nepāle paśupālakam
||15||त्र्यंबकं च त्रिसंध्यायां विरजायां त्रिलोचनम् ॥
दीप्तमर्केश्वरे ज्ञेयं नेपाले पशुपालकम्
yamaliṃgaṃ ca duṣkarṇe kapālī karavīrake ||
jāgeśvare triśūlī ca śrīśaile tripurāṃtakam
||16||यमलिंगं च दुष्कर्णे कपाली करवीरके ॥
जागेश्वरे त्रिशूली च श्रीशैले त्रिपुरांतकम्
rohaṇaṃ tu ayodhyāyāṃ pātāle hāṭakeśvaram ( 50) ||
kārohaṇe nakulīśaṃ devikāyāmumāpatim
||17||रोहणं तु अयोध्यायां पाताले हाटकेश्वरम् ( ५०) ॥
कारोहणे नकुलीशं देविकायामुमापतिम्
bhairave bhairavākāramamaraṃ pūrvasāgare ||
saptagodāvare bhīmaṃ svayaṃbhūrnirmaleśvare
||18||भैरवे भैरवाकारममरं पूर्वसागरे ॥
सप्तगोदावरे भीमं स्वयंभूर्निर्मलेश्वरे
karṇikāre gaṇādhyakṣaṃ kailāse tu gaṇādhipam ||
gaṃgādvāre himasthānaṃ jala liṃge jalapriyam( 60)
||19||कर्णिकारे गणाध्यक्षं कैलासे तु गणाधिपम् ॥
गंगाद्वारे हिमस्थानं जल लिंगे जलप्रियम्( ६०)
analaṃ vāḍave'gnau ca bhīmaṃ badarikāśrame ||
śreṣṭhe koṭīśvaraṃ caiva vārāhaṃ vindhyaparvate
||20||अनलं वाडवेऽग्नौ च भीमं बदरिकाश्रमे ॥
श्रेष्ठे कोटीश्वरं चैव वाराहं विन्ध्यपर्वते
hemakūṭe virūpākṣaṃ bhūrbhuvaṃ gandhamādane ||
liṃgeśvare ca varadaṃ laṃkāyāṃ ca narāṃtakam (68)
||21||हेमकूटे विरूपाक्षं भूर्भुवं गन्धमादने ॥
लिंगेश्वरे च वरदं लंकायां च नरांतकम् (६८)
aṣṭaṣaṣṭiriyaṃ devi tavākhyātā viśeṣataḥ ||
paṭhatāṃ śṛṇvatāṃ vāpi sarvapātakanāśinī
||22||अष्टषष्टिरियं देवि तवाख्याता विशेषतः ॥
पठतां शृण्वतां वापि सर्वपातकनाशिनी
tasmātsarvaprayatnena kīrtanīyā vicakṣaṇaiḥ ||
kālatraye'pi śucibhirviśeṣācchivadīkṣitaiḥ
||23||तस्मात्सर्वप्रयत्नेन कीर्तनीया विचक्षणैः ॥
कालत्रयेऽपि शुचिभिर्विशेषाच्छिवदीक्षितैः
likhitāpi varārohe yasyaiṣā tiṣṭhate gṛhe ||
na tatra jāyate doṣo bhūtapretasamudbhavaḥ
||24||लिखितापि वरारोहे यस्यैषा तिष्ठते गृहे ॥
न तत्र जायते दोषो भूतप्रेतसमुद्भवः
na vyādherna ca sarpāṇāṃ na caurāṇāṃ varānane ||
nānyeṣāṃ bhūbhujādīnāṃ kadācidapi kutracit
||25||न व्याधेर्न च सर्पाणां न चौराणां वरानने ॥
नान्येषां भूभुजादीनां कदाचिदपि कुत्रचित्
iti śrīskāde mahāpurāṇa ekāśītisāhasryāṃ saṃhitāyāṃ ṣaṣṭhe nāgarakhaṇḍe śrīhāṭakeśvarakṣetramāhātmye'ṣṭaṣaṣṭitīrthamāhātmya kathanaṃnāma navottaraśatatamodhyāyaḥ || 109 ||