rākṣasaliṃgacchedanam
sūta uvāca
atha prāpte dinādhīśe tulāyāṃ dvijasattamāḥ ||
pretā liṃgodbhavāṃ bhūmiṃ pūrayāmāsureva hi
||1||अथ प्राप्ते दिनाधीशे तुलायां द्विजसत्तमाः ॥
प्रेता लिंगोद्भवां भूमिं पूरयामासुरेव हि
yatkiṃcittatra saṃsthaṃ tu ādyatīrthaṃ surālayam ||
tatsarvaṃ vyantaraistaiśca pāṃsubhiḥ paripūritam
||2||यत्किंचित्तत्र संस्थं तु आद्यतीर्थं सुरालयम् ॥
तत्सर्वं व्यन्तरैस्तैश्च पांसुभिः परिपूरितम्
tataḥ kṣemaṃ samutpannaṃ kṣetre tatra dvijottamāḥ ||
anyeṣāmapi lokānāṃ liṃgaistairluptimāgataiḥ
||3||ततः क्षेमं समुत्पन्नं क्षेत्रे तत्र द्विजोत्तमाः ॥
अन्येषामपि लोकानां लिंगैस्तैर्लुप्तिमागतैः
kasyacittvatha kālasya bṛhadaśvo mahīpatiḥ ||
śālvadeśātsamāyātaḥ kasmiścidyugaparyaye
||4||कस्यचित्त्वथ कालस्य बृहदश्वो महीपतिः ॥
शाल्वदेशात्समायातः कस्मिश्चिद्युगपर्यये
sa dṛṣṭvā vipulāṃ bhūmiṃ prāsādaiḥ parivarjitām ||
prāsādārthaṃ matiṃ cakre tatra kṣetre dvijottamāḥ
||5||स दृष्ट्वा विपुलां भूमिं प्रासादैः परिवर्जिताम् ॥
प्रासादार्थं मतिं चक्रे तत्र क्षेत्रे द्विजोत्तमाः
śilpinaśca samāhūyānekāṃstatra sahasraśaḥ ||
śodhayāmāsa tāṃ bhūmimadhastādbahuvistṛtām
||6||शिल्पिनश्च समाहूयानेकांस्तत्र सहस्रशः ॥
शोधयामास तां भूमिमधस्ताद्बहुविस्तृताम्
bhūmau nikhanyamānāyāṃ tato liṃgāni bhūriśaḥ ||
caturvaktrāṇi tānyeva yāṃti dṛṣṭeśca gocaram
||7||भूमौ निखन्यमानायां ततो लिंगानि भूरिशः ॥
चतुर्वक्त्राणि तान्येव यांति दृष्टेश्च गोचरम्
tataḥ sa pārthivastaiśca liṃgairdṛṣṭvā vṛtāṃ bhuvam ||
tatkṣaṇānmṛtyumāpannaḥ śilpibhiśca samanvitaḥ
||8||ततः स पार्थिवस्तैश्च लिंगैर्दृष्ट्वा वृतां भुवम् ॥
तत्क्षणान्मृत्युमापन्नः शिल्पिभिश्च समन्वितः
tataḥprabhṛti no tatra kaścinmartyo mahītale ||
prāsādaṃ kurute bhītyā taḍāgaṃ kūpameva ca
||9||ततःप्रभृति नो तत्र कश्चिन्मर्त्यो महीतले ॥
प्रासादं कुरुते भीत्या तडागं कूपमेव च
iti śrīskānde mahāpurāṇa ekāśītisāhasryāṃ saṃhitāyāṃ ṣaṣṭhe nāgarakhaṇḍe hāṭakeśvarakṣetra māhātmye rākṣasaliṃgacchedanaṃnāma pañcottaraśatatamo'dhyāyaḥ || 105 ||