maheśvarasya cotpattiryathā liṃgatvamāpa saḥ
gālava uvāca
iti te kathitaṃ sarvaṃ śālagrāmakathānakam ||
maheśvarasya cotpattiryathā liṃgatvamāpa saḥ
||1||इति ते कथितं सर्वं शालग्रामकथानकम् ॥
महेश्वरस्य चोत्पत्तिर्यथा लिंगत्वमाप सः
tasmādvaraṃ liṃgarūpaṃ śālagrāmagataṃ harim ||
ye'rcayaṃti narā bhaktyā na teṣāṃ duḥkhayātanāḥ
||2||तस्माद्वरं लिंगरूपं शालग्रामगतं हरिम् ॥
येऽर्चयंति नरा भक्त्या न तेषां दुःखयातनाः
cāturmāsye samāyāte viśeṣātpūjayecca tau ||
arcitau yāvabhedena svargamokṣapradāyakau
||3||चातुर्मास्ये समायाते विशेषात्पूजयेच्च तौ ॥
अर्चितौ यावभेदेन स्वर्गमोक्षप्रदायकौ
devau hariharau bhaktyā vipravahnigavāṃ gatau ||
ye'rcayaṃti mahāśūdra teṣāṃ mokṣapradohariḥ
||4||देवौ हरिहरौ भक्त्या विप्रवह्निगवां गतौ ॥
येऽर्चयंति महाशूद्र तेषां मोक्षप्रदोहरिः
vedoktaṃ kārayetkarma pūrteṣṭaṃ vedatatparaḥ ||
paṃcāyatanapūjā ca satyavādo hyalolatā
||5||वेदोक्तं कारयेत्कर्म पूर्तेष्टं वेदतत्परः ॥
पंचायतनपूजा च सत्यवादो ह्यलोलता
vivekādiguṇairyuktaḥ sa śūdro yāti sadgatim ||
brahmacaryaṃ tapo nānyaddvādaśākṣaraciṃtanāt 1
||6||विवेकादिगुणैर्युक्तः स शूद्रो याति सद्गतिम् ॥
ब्रह्मचर्यं तपो नान्यद्द्वादशाक्षरचिंतनात् १
mantrairvinā ṣoḍaśa sopacāraiḥ kāryā supūjā narakādihaṃtuḥ ||
yathā tathā vai girijāpateśca kāryā mahā śūdra mahāghahaṃtrī
||7||मन्त्रैर्विना षोडश सोपचारैः कार्या सुपूजा नरकादिहंतुः ॥
यथा तथा वै गिरिजापतेश्च कार्या महा शूद्र महाघहंत्री
brahmovāca
evaṃ kathayatoreṣā rajanī kṣayamāyayau ||
sacchūdro gālavaścaiva śiṣyaiśca parivāritaḥ
||8||एवं कथयतोरेषा रजनी क्षयमाययौ ॥
सच्छूद्रो गालवश्चैव शिष्यैश्च परिवारितः
sa tena pūjito vipro yayau śīghraṃ nijāśramam
||9||स तेन पूजितो विप्रो ययौ शीघ्रं निजाश्रमम्
ya imaṃ śruṇuyānmartyo vācayetpāṭhayecca vā ||
ślokaṃ vā sarvamapi ca tasya puṇyakṣayo na hi
||10||य इमं श्रुणुयान्मर्त्यो वाचयेत्पाठयेच्च वा ॥
श्लोकं वा सर्वमपि च तस्य पुण्यक्षयो न हि
iti śrīskāṃde mahāpurāṇa ekāśītisāhasryāṃ saṃhitāyāṃ ṣaṣṭhe nāgarakhaṇḍe hāṭakeśvarakṣetramāhātmye śeṣaśāyyupākhyāne brahmanāradasaṃvāde cāturmāsya māhātmye paijavanopākhyāne ṣaṣṭyuttaradviśatatamo'dhyāyaḥ || 260 ||