'ṣṭaṣaṣṭitīrthamāhātmyavarṇanam
śrīdevyuvāca
naiteṣvapi suraśreṣṭha sarveṣu bhuvi mānavāḥ ||
api dīrghāyuṣo bhūtvā snātuṃ śaktāḥ kathaṃcana
||1||नैतेष्वपि सुरश्रेष्ठ सर्वेषु भुवि मानवाः ॥
अपि दीर्घायुषो भूत्वा स्नातुं शक्ताः कथंचन
eteṣāmapi sārāṇi mama tīrthāni kīrtaya ||
yeṣu snāto naraḥ samyaksarveṣāṃ labhate phalam
||2||एतेषामपि साराणि मम तीर्थानि कीर्तय ॥
येषु स्नातो नरः सम्यक्सर्वेषां लभते फलम्
īśvara uvāca
eteṣāṃ madhyato devi tīrthāṣṭakamanuttamam ||
asti snātairnaraistatra sarveṣāṃ labhyate phalam
||3||एतेषां मध्यतो देवि तीर्थाष्टकमनुत्तमम् ॥
अस्ति स्नातैर्नरैस्तत्र सर्वेषां लभ्यते फलम्
naimiṣaṃ caiva kedāraṃ puṣkaraṃ kṛmijāṃgalam ||
vārāṇasī kurukṣetraṃ prabhāsaṃ hāṭakeśvaram
||4||नैमिषं चैव केदारं पुष्करं कृमिजांगलम् ॥
वाराणसी कुरुक्षेत्रं प्रभासं हाटकेश्वरम्
aṣṭāsveteṣu yaḥ snātaḥ samyakchraddhāsamanvitaḥ ||
sa snātaḥ sarvatīrtheṣu satyametanmayoditam
||5||अष्टास्वेतेषु यः स्नातः सम्यक्छ्रद्धासमन्वितः ॥
स स्नातः सर्वतीर्थेषु सत्यमेतन्मयोदितम्
śrīdevyuvāca
kalikāle mahādeva bhaviṣyati kathaṃcana ||
snānaṃ tasmānmama brūhi yatsāraṃ tīrthameva hi
||6||कलिकाले महादेव भविष्यति कथंचन ॥
स्नानं तस्मान्मम ब्रूहि यत्सारं तीर्थमेव हि
aṣṭānāmapi caiteṣāṃ devadeva trilocana ||
yadyahaṃ vallabhā bhaktā tathā cittānuvartinī
||7||अष्टानामपि चैतेषां देवदेव त्रिलोचन ॥
यद्यहं वल्लभा भक्ता तथा चित्तानुवर्तिनी
īśvara uvāca
aṣṭānāmapi deveśi kṣetrāṇāmasti cottamam ||
eteṣāmapi tatkṣetraṃ hāṭakeśvarasaṃjñitam
||8||अष्टानामपि देवेशि क्षेत्राणामस्ति चोत्तमम् ॥
एतेषामपि तत्क्षेत्रं हाटकेश्वरसंज्ञितम्
yatra sarvāṇi kṣetrāṇi saṃsthitāni mamājñayā ||
tathānyāni ca tīrthāni kalikāle'pi saṃsthite
||9||यत्र सर्वाणि क्षेत्राणि संस्थितानि ममाज्ञया ॥
तथान्यानि च तीर्थानि कलिकालेऽपि संस्थिते
tasmātsarvaprayatnena tatkṣetraṃ sevyameva hi ||
mānuṣairmokṣamicchadbhiḥ satyametanma yoditam
||10||तस्मात्सर्वप्रयत्नेन तत्क्षेत्रं सेव्यमेव हि ॥
मानुषैर्मोक्षमिच्छद्भिः सत्यमेतन्म योदितम्
sūta uvāca
etadvaḥ sarvamākhyātamaṣṭaṣaṣṭisamudbhavam ||
samuccayaṃ dvijaśreṣṭhā nāmadevasamanvitam
||11||एतद्वः सर्वमाख्यातमष्टषष्टिसमुद्भवम् ॥
समुच्चयं द्विजश्रेष्ठा नामदेवसमन्वितम्
yathā devena cākhyātaṃ pārvatyā guhyamuttamam ||
prasannena mayā kṛtsnaṃ yuṣmākaṃ samudāhṛtam
||2||यथा देवेन चाख्यातं पार्वत्या गुह्यमुत्तमम् ॥
प्रसन्नेन मया कृत्स्नं युष्माकं समुदाहृतम्
yaścaitatpaṭhate bhaktyā hyaṣṭaṣaṣṭisamudbhavam ||
snānajaṃ labhate puṇyaṃ śṛṇvānaḥ śraddhayānvitaḥ
||13||यश्चैतत्पठते भक्त्या ह्यष्टषष्टिसमुद्भवम् ॥
स्नानजं लभते पुण्यं शृण्वानः श्रद्धयान्वितः
iti śrīskāṃde mahāpurāṇa ekāśītisāhasryāṃ saṃhitāyāṃ ṣaṣṭhe nāgarakhaṇḍe śrīhāṭakeśvarakṣetramāhātmya 'ṣṭaṣaṣṭitīrthamāhātmyavarṇanaṃnāma daśottaraśatatamo'dhyāyaḥ || 110 ||