bālamaṃḍanatīrthamāhātmyavarṇanam
sūta uvāca
tatra dāśarathī rāmo vanavāsāya dīkṣitaḥ ||
bhramamāṇo dharāpṛṣṭhe sītālakṣmaṇasaṃyutaḥ
||1||तत्र दाशरथी रामो वनवासाय दीक्षितः ॥
भ्रममाणो धरापृष्ठे सीतालक्ष्मणसंयुतः
samā''yāto dvijaśreṣṭhā yatra sā pitṛkūpikā ||
tṛṣārtaśca śramārtaśca niṣasāda dharātale
||2||समाऽऽयातो द्विजश्रेष्ठा यत्र सा पितृकूपिका ॥
तृषार्तश्च श्रमार्तश्च निषसाद धरातले
etasminnaṃtare prāpto bhagavāndinanāyakaḥ ||
astācalaṃ japāpuṣpasannibho dvijasattamāḥ
||3||एतस्मिन्नंतरे प्राप्तो भगवान्दिननायकः ॥
अस्ताचलं जपापुष्पसन्निभो द्विजसत्तमाः
tataḥ plakṣanagādhastātparṇānyāstīrya bhūtale ||
sāyaṃtanaṃ vidhiṃ kṛtvā suṣvāpa raghunandanaḥ
||4||ततः प्लक्षनगाधस्तात्पर्णान्यास्तीर्य भूतले ॥
सायंतनं विधिं कृत्वा सुष्वाप रघुनन्दनः
athā'valokayāmāsa svapne daśarathaṃ nṛpam ||
yadvatpūrvaṃ priyā''lāpasaṃsaktaṃ hṛṣṭamānasam
||5||अथाऽवलोकयामास स्वप्ने दशरथं नृपम् ॥
यद्वत्पूर्वं प्रियाऽऽलापसंसक्तं हृष्टमानसम्
tataḥ prabhāte vimale prodgate ravimaṇḍale ||
viprānāhūya tatsarvaṃ kathayāmāsa rāghavaḥ
||6||ततः प्रभाते विमले प्रोद्गते रविमण्डले ॥
विप्रानाहूय तत्सर्वं कथयामास राघवः
adya svapne mayā viprāḥ priyālāpaparaḥ pitā ||
atihṛṣṭamanā dṛṣṭaḥ śvetamālyānulepanaḥ
||7||अद्य स्वप्ने मया विप्राः प्रियालापपरः पिता ॥
अतिहृष्टमना दृष्टः श्वेतमाल्यानुलेपनः
tatkīdṛkpariṇāmo'sya svapnasya dvijasattamāḥ ||
bhaviṣyati prajalpadhvaṃ paraṃ kautūhalaṃ yataḥ
||8||तत्कीदृक्परिणामोऽस्य स्वप्नस्य द्विजसत्तमाः ॥
भविष्यति प्रजल्पध्वं परं कौतूहलं यतः
brāhmaṇā ūcuḥ
pitaraḥ śrāddhakāmā ye vṛddhiṃ paśyaṃti vā nṛpa ||
te svapne darśanaṃ yāṃti putrāṇāmiti naḥ śrutam
||9||पितरः श्राद्धकामा ये वृद्धिं पश्यंति वा नृप ॥
ते स्वप्ने दर्शनं यांति पुत्राणामिति नः श्रुतम्
tadasyāṃ kūpikāyāṃ ca svayameva gayā sthitā ||
tena tvayā pitā dṛṣṭaḥ svapne śrāddhasya vāṃchakaḥ
||10||तदस्यां कूपिकायां च स्वयमेव गया स्थिता ॥
तेन त्वया पिता दृष्टः स्वप्ने श्राद्धस्य वांछकः
tasmātkuru raghuśreṣṭha śrāddhamatra yathoditam ||
nīvāraiḥ śāka mūlaiśca tathā'raṇyodbhavaistilaiḥ
||11||तस्मात्कुरु रघुश्रेष्ठ श्राद्धमत्र यथोदितम् ॥
नीवारैः शाक मूलैश्च तथाऽरण्योद्भवैस्तिलैः
athaivāmantrayāmāsa tānviprānraghusattamaḥ ||
śrāddheṣu śraddhayā yuktaḥ prasādaḥ kriyatāmiti
||12||अथैवामन्त्रयामास तान्विप्रान्रघुसत्तमः ॥
श्राद्धेषु श्रद्धया युक्तः प्रसादः क्रियतामिति
bāḍhamityeva te coktvā snānārthaṃ dvijasattamāḥ ||
gatāḥ sarve susaṃhṛṣṭā svakīyānāśramānprati va 13 ||
atha teṣu prayāteṣu brāhmaṇeṣu raghūttamaḥ ||
provāca lakṣmaṇaṃ pārśve vinayāvanataṃ sthitam
||14||बाढमित्येव ते चोक्त्वा स्नानार्थं द्विजसत्तमाः ॥
गताः सर्वे सुसंहृष्टा स्वकीयानाश्रमान्प्रति व १३ ॥
अथ तेषु प्रयातेषु ब्राह्मणेषु रघूत्तमः ॥
प्रोवाच लक्ष्मणं पार्श्वे विनयावनतं स्थितम्
śākamūlaphalānyāśu śrāddhārthaṃ samupānaya ||
saumitrānaya vaidehī svayaṃ pacati bhāminī
||15||शाकमूलफलान्याशु श्राद्धार्थं समुपानय ॥
सौमित्रानय वैदेही स्वयं पचति भामिनी
tacchrutvā lakṣmaṇastūrṇaṃ jagāmā'raṇyameva hi ||
śrāddhārthamānināyā''śu phalāni vividhāni ca
||16||तच्छ्रुत्वा लक्ष्मणस्तूर्णं जगामाऽरण्यमेव हि ॥
श्राद्धार्थमानिनायाऽऽशु फलानि विविधानि च
dhātrīphalāni cā''mrāṇi cirbhaṭānīṃ gudāni ca ||
karīrāṇi kapitthāni tathaivā'nyāni bhūriśaḥ
||17||धात्रीफलानि चाऽऽम्राणि चिर्भटानीं गुदानि च ॥
करीराणि कपित्थानि तथैवाऽन्यानि भूरिशः
tataśca pācayāmāsa tadarthe janakodbhavā ||
rāmādeśātsvayaṃ sādhvī vinayena samanvitā
||18||ततश्च पाचयामास तदर्थे जनकोद्भवा ॥
रामादेशात्स्वयं साध्वी विनयेन समन्विता
tataśca kutape prāpte kāle te dvijasattamāḥ ||
kṛtāhnikāḥ samāyātā rāmabhaktisamanvitāḥ
||19||ततश्च कुतपे प्राप्ते काले ते द्विजसत्तमाः ॥
कृताह्निकाः समायाता रामभक्तिसमन्विताः
etasminnaṃtare sītā plakṣavṛkṣāṃtare sthitā ||
ātmānaṃ gopayāmāsa yathā vetti na rāghavaḥ ||
6.20.20 sa tāṃ sīteti sīteti vyāhṛtyātha muhurmuhuḥ ||
strīdharmiṇīti matvā tu lakṣmaṇaṃ cedamabravīt
||21||एतस्मिन्नंतरे सीता प्लक्षवृक्षांतरे स्थिता ॥
आत्मानं गोपयामास यथा वेत्ति न राघवः ॥
६.२०.२० स तां सीतेति सीतेति व्याहृत्याथ मुहुर्मुहुः ॥
स्त्रीधर्मिणीति मत्वा तु लक्ष्मणं चेदमब्रवीत्
vatsa lakṣmaṇa śuśrūṣāṃ viprāṇāṃ śrāddhasaṃbhavām ||
pādaprakṣālanādyāṃ tvaṃ yathāvatkartumarhasi
||22||वत्स लक्ष्मण शुश्रूषां विप्राणां श्राद्धसंभवाम् ॥
पादप्रक्षालनाद्यां त्वं यथावत्कर्तुमर्हसि
bāḍhamityeva saṃprokto lakṣmaṇaḥ śubhalakṣaṇaḥ ||
cakre sarvaṃ tathā karma yathā nārī vicakṣaṇā
||23||बाढमित्येव संप्रोक्तो लक्ष्मणः शुभलक्षणः ॥
चक्रे सर्वं तथा कर्म यथा नारी विचक्षणा
tato nirvartite śrāddhe brāhmaṇeṣu gateṣvatha ||
janakasya sutā sādhvī tatkṣaṇātsamupasthitā
||24||ततो निर्वर्तिते श्राद्धे ब्राह्मणेषु गतेष्वथ ॥
जनकस्य सुता साध्वी तत्क्षणात्समुपस्थिता
tāṃ dṛṣṭvā rāghavaḥ sītāṃ kopasaṃraktalocanaḥ ||
provāca paruṣairvākyairbhartsamāno muhurmuhuḥ
||25||तां दृष्ट्वा राघवः सीतां कोपसंरक्तलोचनः ॥
प्रोवाच परुषैर्वाक्यैर्भर्त्समानो मुहुर्मुहुः
āyāteṣu dvijāteṣu śrāddhakāla upasthite ||
kva gatā vada pāpe tvaṃ māṃ parityajya dūrataḥ
||26||आयातेषु द्विजातेषु श्राद्धकाल उपस्थिते ॥
क्व गता वद पापे त्वं मां परित्यज्य दूरतः
naitadyuktaṃ kulastrīṇāṃ viśeṣādatra kānane ||
vihartuṃ dūrataḥ śūnye tasmāttyājyā'si maithili
||27||नैतद्युक्तं कुलस्त्रीणां विशेषादत्र कानने ॥
विहर्तुं दूरतः शून्ये तस्मात्त्याज्याऽसि मैथिलि
tasya tadvacanaṃ śrutvā bhītā sā janakodbhavā ||
uvāca vepamānāṃgī praskhalaṃtyā girā tataḥ
||28||तस्य तद्वचनं श्रुत्वा भीता सा जनकोद्भवा ॥
उवाच वेपमानांगी प्रस्खलंत्या गिरा ततः
na māmarhasi kārye'smingarhituṃ raghusattama ||
yasmādahamatikrāntā sthānādasmācchraṇuṣva tat
||29||न मामर्हसि कार्येऽस्मिन्गर्हितुं रघुसत्तम ॥
यस्मादहमतिक्रान्ता स्थानादस्माच्छ्रणुष्व तत्
pitā tava mayā dṛṣṭaḥ sākṣāddaśarathaḥ svayam ||
brāhmaṇasya śarīrastho dvitīyaśca pitāmahaḥ
||30||पिता तव मया दृष्टः साक्षाद्दशरथः स्वयम् ॥
ब्राह्मणस्य शरीरस्थो द्वितीयश्च पितामहः
pituḥ pitāmaho'nyasya tṛtīyasya raghūttama ||
trayāṇāṃ ca tathānyeṣāṃ trayo'nye nṛpasaṃnibhāḥ
||31||पितुः पितामहोऽन्यस्य तृतीयस्य रघूत्तम ॥
त्रयाणां च तथान्येषां त्रयोऽन्ये नृपसंनिभाः
brāhmaṇānāṃ mayā dṛṣṭāḥ śarīrasthāḥ suharṣitāḥ ||
mātāmahānahaṃ manye tānapi trīnahaṃ sphuṭam
||32||ब्राह्मणानां मया दृष्टाः शरीरस्थाः सुहर्षिताः ॥
मातामहानहं मन्ये तानपि त्रीनहं स्फुटम्
tato 'haṃ lajjayā naṣṭā dṛṣṭvā śvaśurasaṃgamān ||
yena bhuktāni bhojyāni purā mṛṣṭānyanekaśaḥ
||33||ततो ऽहं लज्जया नष्टा दृष्ट्वा श्वशुरसंगमान् ॥
येन भुक्तानि भोज्यानि पुरा मृष्टान्यनेकशः
tathā khādyāni lehyāni coṣyāṇi ca viśeṣataḥ ||
pitā tava kathaṃ so'dya kaṣāyāṇi kaṭūni ca ||
bhakṣayiṣyati dattāni svahastena mayā vibho
||34||तथा खाद्यानि लेह्यानि चोष्याणि च विशेषतः ॥
पिता तव कथं सोऽद्य कषायाणि कटूनि च ॥
भक्षयिष्यति दत्तानि स्वहस्तेन मया विभो
etasmātkāraṇānnaṣṭā tvatsamīpādahaṃ vibho ||
śrāddhakāle'pi saṃprāpte satyenātmānamālabhe
||358||एतस्मात्कारणान्नष्टा त्वत्समीपादहं विभो ॥
श्राद्धकालेऽपि संप्राप्ते सत्येनात्मानमालभे
tacchrutvā saṃprahṛṣṭātmā rāmo rājīvalocanaḥ ||
sādhusādhviti tāṃ prāha pariṣvajya muhurmuhuḥ
||36||तच्छ्रुत्वा संप्रहृष्टात्मा रामो राजीवलोचनः ॥
साधुसाध्विति तां प्राह परिष्वज्य मुहुर्मुहुः
tato bhuktvā svayaṃ rāmo lakṣmaṇena samanvitaḥ ||
sāyāhne samanuprāpte saṃdhyākāryaṃ vidhāya ca
||37||ततो भुक्त्वा स्वयं रामो लक्ष्मणेन समन्वितः ॥
सायाह्ने समनुप्राप्ते संध्याकार्यं विधाय च
provāca lakṣmaṇaṃ vatsa parṇānyāstīrya bhūtale ||
śayyāṃ kuru samānīya pādaśaucāya sajjalam
||38||प्रोवाच लक्ष्मणं वत्स पर्णान्यास्तीर्य भूतले ॥
शय्यां कुरु समानीय पादशौचाय सज्जलम्
tataḥ kopaparītātmā saumitriḥ prāha rāghavam ||
nāhaṃ śayyāṃ kariṣyāmi pādaprakṣālanaṃ na ca
||39||ततः कोपपरीतात्मा सौमित्रिः प्राह राघवम् ॥
नाहं शय्यां करिष्यामि पादप्रक्षालनं न च
tathā'nyadapi yatkiṃcitkarma svalpamapi prabho ||
tvāṃ vā tyaktvā gamiṣyāmi kutracitpīḍito bhṛśam
||40||तथाऽन्यदपि यत्किंचित्कर्म स्वल्पमपि प्रभो ॥
त्वां वा त्यक्त्वा गमिष्यामि कुत्रचित्पीडितो भृशम्
preṣyatvena raghuśreṣṭha satyametanmayoditam ||
sītāyāḥ kiṃ samādeśyaṃ na kiṃcitsaṃprayacchasi ||
api svalpataraṃ rāma mayā tvaṃ kiṃ kariṣyasi
||41||प्रेष्यत्वेन रघुश्रेष्ठ सत्यमेतन्मयोदितम् ॥
सीतायाः किं समादेश्यं न किंचित्संप्रयच्छसि ॥
अपि स्वल्पतरं राम मया त्वं किं करिष्यसि
tasya tadvacanaṃ śrutvā vikṛtaṃ cāpi rāghavaḥ ||
tūṣṇīṃ babhūva medhāvī hāsyaṃ kṛtvā manāktataḥ
||42||तस्य तद्वचनं श्रुत्वा विकृतं चापि राघवः ॥
तूष्णीं बभूव मेधावी हास्यं कृत्वा मनाक्ततः
tataḥ svayaṃ samutthāya kṛtvā svā starakaṃ śubham ||
sītayā kṣālitāṃghristu suṣvāpa tadanaṃtaram
||43||ततः स्वयं समुत्थाय कृत्वा स्वा स्तरकं शुभम् ॥
सीतया क्षालितांघ्रिस्तु सुष्वाप तदनंतरम्
lakṣmaṇo'pi vidūrasthaḥ kopasaṃraktalocanaḥ ||
vṛkṣamūlaṃ samāśritya suptaścitte vyaciṃtayat
||44||लक्ष्मणोऽपि विदूरस्थः कोपसंरक्तलोचनः ॥
वृक्षमूलं समाश्रित्य सुप्तश्चित्ते व्यचिंतयत्
hatvainaṃ rāghavaṃ suptaṃ sītāṃ patnīṃ vidhāya ca ||
kiṃ gacchāmi nijaṃ sthānaṃ videśaṃ vā'pidūrataḥ
||45||हत्वैनं राघवं सुप्तं सीतां पत्नीं विधाय च ॥
किं गच्छामि निजं स्थानं विदेशं वाऽपिदूरतः
evaṃ ciṃtayatastasya bahudhā lakṣmaṇasya sā ||
vyatikrāṃtā niśā viprāḥ kṛcchreṇa mahatā tataḥ
||46||एवं चिंतयतस्तस्य बहुधा लक्ष्मणस्य सा ॥
व्यतिक्रांता निशा विप्राः कृच्छ्रेण महता ततः
na tasya niścayo jajñe tasminkṛtye kathaṃcana ||
kopātpraṇaṣṭanidrasya soṣṇaṃ niḥśvasato muhuḥ
||47||न तस्य निश्चयो जज्ञे तस्मिन्कृत्ये कथंचन ॥
कोपात्प्रणष्टनिद्रस्य सोष्णं निःश्वसतो मुहुः
tataḥ prabhāte vimale kṛtapūrvāhṇikakriyaḥ ||
rāmaḥ sītāṃ samādāya prasthito dakṣiṇāṃ diśam
||48||ततः प्रभाते विमले कृतपूर्वाह्णिकक्रियः ॥
रामः सीतां समादाय प्रस्थितो दक्षिणां दिशम्
lakṣmaṇo'pi dhanuḥ sajyaṃ kṛtvā saṃdhāya sāyakam ||
anuvrajati pṛṣṭhasthastasya cchidraṃ vilokayan
||49||लक्ष्मणोऽपि धनुः सज्यं कृत्वा संधाय सायकम् ॥
अनुव्रजति पृष्ठस्थस्तस्य च्छिद्रं विलोकयन्
tato gokarṇamāsādya praṇamya ca maheśvaram ||
pratasthe rāghavo yāvatsaumitristāvadāgataḥ
||50||ततो गोकर्णमासाद्य प्रणम्य च महेश्वरम् ॥
प्रतस्थे राघवो यावत्सौमित्रिस्तावदागतः
bāṣpaparyākulākṣaśca vrīḍayā'dhomukhaḥ sthitaḥ ||
praṇamya śirasā rāmaṃ tataḥ prāha suduḥ khitaḥ
||51||बाष्पपर्याकुलाक्षश्च व्रीडयाऽधोमुखः स्थितः ॥
प्रणम्य शिरसा रामं ततः प्राह सुदुः खितः
kuru me nigrahaṃ nātha svāmidrohasamudbhavam ||
atipāpasya duṣṭasya kṛtaghnasya raghūttama
||52||कुरु मे निग्रहं नाथ स्वामिद्रोहसमुद्भवम् ॥
अतिपापस्य दुष्टस्य कृतघ्नस्य रघूत्तम
uttarāṇi viruddhāni tava dattāni bhūriśaḥ ||
mayā vinā'parādhena vadhopāyaśca ciṃtitaḥ
||53||उत्तराणि विरुद्धानि तव दत्तानि भूरिशः ॥
मया विनाऽपराधेन वधोपायश्च चिंतितः
tataśca taṃ pariṣvajya rāmo'pi nijabāṃdhavam ||
bāṣpaklinnamukhaḥ prāha kṣāṃtaṃ vatsa mayā tava
||54||ततश्च तं परिष्वज्य रामोऽपि निजबांधवम् ॥
बाष्पक्लिन्नमुखः प्राह क्षांतं वत्स मया तव
na te tvanyaḥ priyaḥ kaścinmāṃ muktvā vedmyahaṃ sphuṭam ||
tasmādāgaccha gacchāmo mārgaṃ velādhikā bhavet
||55||न ते त्वन्यः प्रियः कश्चिन्मां मुक्त्वा वेद्म्यहं स्फुटम् ॥
तस्मादागच्छ गच्छामो मार्गं वेलाधिका भवेत्
lakṣmaṇa uvāca
yadi me nigrahaṃ nātha na kariṣyasi sāṃpratam ||
prāṇatyāgaṃ kariṣyāmi vahnāvātmaviśuddhaye
||56||यदि मे निग्रहं नाथ न करिष्यसि सांप्रतम् ॥
प्राणत्यागं करिष्यामि वह्नावात्मविशुद्धये
rāmalakṣmaṇayorevaṃ vadatostatra kānane ||
ājagāma muniśreṣṭho mārkaṃḍa iti yaḥ smṛtaḥ
||57||रामलक्ष्मणयोरेवं वदतोस्तत्र कानने ॥
आजगाम मुनिश्रेष्ठो मार्कंड इति यः स्मृतः
tataḥ praṇamya taṃ rāmaḥ sītālakṣmaṇasaṃyutaḥ ||
provāca svāgataṃ testu kutaḥ prāpto'si sanmune
||58||ततः प्रणम्य तं रामः सीतालक्ष्मणसंयुतः ॥
प्रोवाच स्वागतं तेस्तु कुतः प्राप्तोऽसि सन्मुने
mārkaṃḍeya uvāca
prabhāsādahamāyātaḥ sāṃprataṃ raghunaṃdana ||
svamāśramaṃ gamiṣyāmi kṣetre'traiva vyavasthitam
||59||प्रभासादहमायातः सांप्रतं रघुनंदन ॥
स्वमाश्रमं गमिष्यामि क्षेत्रेऽत्रैव व्यवस्थितम्
mayā rāghava tatrā'sti sthāpitaḥ prapitāmahaḥ ||
tasyā'dya divase yātrā bahuśreyaḥpradā smṛtā
||60||मया राघव तत्राऽस्ति स्थापितः प्रपितामहः ॥
तस्याऽद्य दिवसे यात्रा बहुश्रेयःप्रदा स्मृता
tasmāttvamapi tatraiva tūrṇameva mayā saha ||
mamāśramapade sthitvā paśya devaṃ pitāmaham
||61||तस्मात्त्वमपि तत्रैव तूर्णमेव मया सह ॥
ममाश्रमपदे स्थित्वा पश्य देवं पितामहम्
yena syāḥ sarvaśatrūṇāmagamyastvaṃ raghūdvaha ||
jyeṣṭhapañcadaśīyoge jyeṣṭhaputraḥ samāhitaḥ
||62||येन स्याः सर्वशत्रूणामगम्यस्त्वं रघूद्वह ॥
ज्येष्ठपञ्चदशीयोगे ज्येष्ठपुत्रः समाहितः
yastatra kurute snānaṃ tasya mṛtyubhayaṃ kutaḥ ||
sā'dya paṃcadaśī rāma jyeṣṭhamāsasamudbhavā ||
jyeṣṭhānakṣatrasaṃyuktā tasmātsnātuṃ tvamarhasi
||63||यस्तत्र कुरुते स्नानं तस्य मृत्युभयं कुतः ॥
साऽद्य पंचदशी राम ज्येष्ठमाससमुद्भवा ॥
ज्येष्ठानक्षत्रसंयुक्ता तस्मात्स्नातुं त्वमर्हसि
tataḥ saṃprasthitaṃ rāmaṃ dṛṣṭvā provāca lakṣmaṇaḥ ||
kuru me nigrahaṃ tāvadgaccha tīrthaṃ tataḥ prabho
||64||ततः संप्रस्थितं रामं दृष्ट्वा प्रोवाच लक्ष्मणः ॥
कुरु मे निग्रहं तावद्गच्छ तीर्थं ततः प्रभो
rāma uvāca
sthite'sminmuniśārdūle samīpe vatsa lakṣmaṇa ||
anarhā niṣkṛtiḥ kartuṃ tasmādenaṃ prayācaya
||65||स्थितेऽस्मिन्मुनिशार्दूले समीपे वत्स लक्ष्मण ॥
अनर्हा निष्कृतिः कर्तुं तस्मादेनं प्रयाचय
lakṣmaṇa uvāca
svāmidrohe kṛte brahmanprāyaścittaṃ yadīkṣyate ||
tanme dehi sphuṭaṃ yena kāyaśuddhiḥ prajāyate
||66||स्वामिद्रोहे कृते ब्रह्मन्प्रायश्चित्तं यदीक्ष्यते ॥
तन्मे देहि स्फुटं येन कायशुद्धिः प्रजायते
mārkaṃḍeya uvāca
mamā''śramasamīpe'sti sutīrthaṃ bālamaṃḍanam ||
svāmidroharatāḥ snātā mucyaṃte tatra pātakaiḥ
||67||ममाऽऽश्रमसमीपेऽस्ति सुतीर्थं बालमंडनम् ॥
स्वामिद्रोहरताः स्नाता मुच्यंते तत्र पातकैः
tatra śakro vipāpmābhūddhatvā garbhaṃ diteḥ purā ||
viśvastāyā viśeṣeṇa mātuḥ kākutsthasattama ||
tasmāttatra drutaṃ gatvā snānaṃ kuru mahāmate
||68||तत्र शक्रो विपाप्माभूद्धत्वा गर्भं दितेः पुरा ॥
विश्वस्ताया विशेषेण मातुः काकुत्स्थसत्तम ॥
तस्मात्तत्र द्रुतं गत्वा स्नानं कुरु महामते
tataḥ pramucyase pāpātsvāmidrohasamudbhavāt ||
aparaṃ nāsti te doṣo manasā pātakaṃ kṛtam
||69||ततः प्रमुच्यसे पापात्स्वामिद्रोहसमुद्भवात् ॥
अपरं नास्ति ते दोषो मनसा पातकं कृतम्
manastāpena śudhyeta matametanmanīṣiṇām ||
tvayā tu manasā drohaḥ kṛto rāmakṛte yataḥ
||70||मनस्तापेन शुध्येत मतमेतन्मनीषिणाम् ॥
त्वया तु मनसा द्रोहः कृतो रामकृते यतः
īdṛkṣānmanasastāpāttasmācchuddho'si lakṣmaṇa ||
aparaṃ śṛṇu me vākyaṃ nāsti doṣastavā nagha
||71||ईदृक्षान्मनसस्तापात्तस्माच्छुद्धोऽसि लक्ष्मण ॥
अपरं शृणु मे वाक्यं नास्ति दोषस्तवा नघ
īdṛkkṣetraprabhāvo'yaṃ saubhrātreṇa vivarjitaḥ ||
paṃcakrośātmake kṣetre ye vasantyatra lakṣmaṇa
||72||ईदृक्क्षेत्रप्रभावोऽयं सौभ्रात्रेण विवर्जितः ॥
पंचक्रोशात्मके क्षेत्रे ये वसन्त्यत्र लक्ष्मण
api svalpaṃ na saubhrātraṃ teṣāṃ saṃjāyate kvacit
||73||अपि स्वल्पं न सौभ्रात्रं तेषां संजायते क्वचित्
tāvatsnehaparo martyastāvadvadati komalam ||
camatkārodbhavaṃ kṣetraṃ yāvanna spṛśateṃ'ghribhiḥ
||74||तावत्स्नेहपरो मर्त्यस्तावद्वदति कोमलम् ॥
चमत्कारोद्भवं क्षेत्रं यावन्न स्पृशतेंऽघ्रिभिः
ye'nyepi nivasaṃtyatra paśavaḥ pakṣiṇo mṛgāḥ ||
te'pi sauhārddanirmuktāḥ sasparddhā itaretaram
||75||येऽन्येपि निवसंत्यत्र पशवः पक्षिणो मृगाः ॥
तेऽपि सौहार्द्दनिर्मुक्ताः सस्पर्द्धा इतरेतरम्
kasyacitkenacitsārdhaṃ sauhārdaṃ naiva vidyate ||
tasmānnaivāsti te doṣa īdṛkkṣe trasya saṃsthitiḥ
||76||कस्यचित्केनचित्सार्धं सौहार्दं नैव विद्यते ॥
तस्मान्नैवास्ति ते दोष ईदृक्क्षे त्रस्य संस्थितिः
tathāpi yadi te kācicchaṃkā citte vyavasthitā ||
tatsnānaṃ kuru gatvā tu tasmiṃstīrthe suśobhane
||77||तथापि यदि ते काचिच्छंका चित्ते व्यवस्थिता ॥
तत्स्नानं कुरु गत्वा तु तस्मिंस्तीर्थे सुशोभने
yatra śakro vipāpmā'bhūddrohaṃ kṛtvā sudāruṇam ||
viśvastāyā diteḥ pūrvaṃ garbhapātasamudravam
||78||यत्र शक्रो विपाप्माऽभूद्द्रोहं कृत्वा सुदारुणम् ॥
विश्वस्ताया दितेः पूर्वं गर्भपातसमुद्रवम्
evamuktastu saumitrirgatvā tatra dvijottamāḥ ||
tīrthe snānācca saṃpanno viśuddhaḥ śakrasevite ||
rāmo'pi tatra gatvāśu mārkaṃḍeyavarāśrame
||79||एवमुक्तस्तु सौमित्रिर्गत्वा तत्र द्विजोत्तमाः ॥
तीर्थे स्नानाच्च संपन्नो विशुद्धः शक्रसेविते ॥
रामोऽपि तत्र गत्वाशु मार्कंडेयवराश्रमे
snānaṃ kṛtvā yathānyāyaṃ dadarśā'tha pitāmaham ||
jagāmā'tha diśaṃ yāmyāṃ sītālakṣmaṇasaṃyutaḥ
||80||स्नानं कृत्वा यथान्यायं ददर्शाऽथ पितामहम् ॥
जगामाऽथ दिशं याम्यां सीतालक्ष्मणसंयुतः
tatprabhāvājjaghānā'tha kharādīnrākṣasottamān ||
tathā vai rāvaṇaṃ raudraṃ meghanādasamanvitam
||83||तत्प्रभावाज्जघानाऽथ खरादीन्राक्षसोत्तमान् ॥
तथा वै रावणं रौद्रं मेघनादसमन्वितम्
iti śrīskāṃdemahāpurāṇa ekāśītisāhasryāṃ saṃhitāyāṃ ṣaṣṭhe nāgarakhaṇḍe hāṭakeśvarakṣetramāhātmye rāmakṛtayāmyadiśāprayāṇe bālamaṃḍanatīrthamāhātmya varṇanaṃnāma viṃśo'dhyāyaḥ || 20 ||