hāṭakeśvarakṣetramāhātmye'mareśvarakuṇḍamāhātmyavarṇanam
ṛṣaya ūcuḥ
ādityānāṃ ca sarveṣāṃ vasurudrādikāśvinām ||
pratyekaśaḥ samācakṣva nāmāni tvaṃ mahāmate
||1||आदित्यानां च सर्वेषां वसुरुद्रादिकाश्विनाम् ॥
प्रत्येकशः समाचक्ष्व नामानि त्वं महामते
sūta uvāca
vṛṣadhvajaśca śarvaśca mṛgavyādhastṛtīyakaḥ ||
ajaikapādahirbudhnyaḥ pinākī ṣaṣṭha eva hi
||2||वृषध्वजश्च शर्वश्च मृगव्याधस्तृतीयकः ॥
अजैकपादहिर्बुध्न्यः पिनाकी षष्ठ एव हि
dahanaśceśvaraścaiva kapālī navamastathā ||
vṛṣākapistu daśamo rudrastryaṃbaka eva ca
||3||दहनश्चेश्वरश्चैव कपाली नवमस्तथा ॥
वृषाकपिस्तु दशमो रुद्रस्त्र्यंबक एव च
dhuro dhruvaśca somaśca makhaścaivānilo'nalaḥ ||
pratyūṣaśca prabhāsaśca vasavo'ṣṭau prakīrtitāḥ
||4||धुरो ध्रुवश्च सोमश्च मखश्चैवानिलोऽनलः ॥
प्रत्यूषश्च प्रभासश्च वसवोऽष्टौ प्रकीर्तिताः
varuṇaśca tathā sūryo bhānuḥ khyātaśca tāpanaḥ ||
iṃdraścaivāryamā caiva dhātā caiva bhagastathā
||5||वरुणश्च तथा सूर्यो भानुः ख्यातश्च तापनः ॥
इंद्रश्चैवार्यमा चैव धाता चैव भगस्तथा
gabhastirdharmarājaśca svarṇaretā divākaraḥ ||
mitraśca vāsudevaśca dvādaśaite ca bhāskarāḥ
||6||गभस्तिर्धर्मराजश्च स्वर्णरेता दिवाकरः ॥
मित्रश्च वासुदेवश्च द्वादशैते च भास्कराः
nāsatyaścaiva dasraśca khyātāvetau tathāśvinau ||
devavaidyau mahābhāgau tvāṣṭrīgarbhasamudbhavau
||7||नासत्यश्चैव दस्रश्च ख्यातावेतौ तथाश्विनौ ॥
देववैद्यौ महाभागौ त्वाष्ट्रीगर्भसमुद्भवौ
trayastriṃśatsamākhyātā ete ye suranāyakāḥ ||
kṣetre'traivāsthitā nityaṃ dānavānāṃ vadhāya ca
||8||त्रयस्त्रिंशत्समाख्याता एते ये सुरनायकाः ॥
क्षेत्रेऽत्रैवास्थिता नित्यं दानवानां वधाय च
yastānsaṃpūjayedbhaktyā puruṣaḥ saṃyateṃdriyaḥ ||
yathoktadivase prāpte nāpamṛtyuḥ prajāyate
||9||यस्तान्संपूजयेद्भक्त्या पुरुषः संयतेंद्रियः ॥
यथोक्तदिवसे प्राप्ते नापमृत्युः प्रजायते
aṣṭamyāṃ ca caturdaśyāṃ rudrāḥ pūjyā vicakṣaṇaiḥ ||
tasminkṣetre viśeṣeṇa vāṃchadbhiḥ paramaṃ padam
||10||अष्टम्यां च चतुर्दश्यां रुद्राः पूज्या विचक्षणैः ॥
तस्मिन्क्षेत्रे विशेषेण वांछद्भिः परमं पदम्
daśamyāṃ vasavaḥ pūjyāstathāṣṭamyāṃ viśeṣataḥ ||
svargaṃ samīhamānaiśca vilāsairvividhaistathā
||11||दशम्यां वसवः पूज्यास्तथाष्टम्यां विशेषतः ॥
स्वर्गं समीहमानैश्च विलासैर्विविधैस्तथा
saptamyāmatha ṣaṣṭhyāṃ ca pūjanīyā divākarāḥ ||
ye vāṃchanti narāḥ sattvaṃ paripaṃthivivarjitam
||12||सप्तम्यामथ षष्ठ्यां च पूजनीया दिवाकराः ॥
ये वांछन्ति नराः सत्त्वं परिपंथिविवर्जितम्
devavaidyau tathā pūjyau dvādaśyāṃ vyādhisaṃkṣayam ||
ye vāṃchanti sadā martyā nīrujā sambhavaṃti te
||13||देववैद्यौ तथा पूज्यौ द्वादश्यां व्याधिसंक्षयम् ॥
ये वांछन्ति सदा मर्त्या नीरुजा सम्भवंति ते
iti śrīskāṃde mahāpurāṇa ekāśītisāhasryāṃ saṃhitāyāṃ ṣaṣṭhe nāgarakhaṇḍe hāṭakeśvarakṣetramāhātmye'mareśvarakuṇḍamāhātmyavarṇanaṃ nāma ṣaṭcatvāriṃśadadhikaśatatamo'dhyāyaḥ || 146 ||