tasmātsarvaprayatnena tyaktvā'nyā nikhilāḥ kriyāḥ
sūta uvāca
tasmātsarvaprayatnena tyaktvā'nyā nikhilāḥ kriyāḥ ||
raktaśṛṃgasya sāṃnidhyaṃ sevanīyaṃ vicakṣaṇaiḥ
||1||तस्मात्सर्वप्रयत्नेन त्यक्त्वाऽन्या निखिलाः क्रियाः ॥
रक्तशृंगस्य सांनिध्यं सेवनीयं विचक्षणैः
kiṃ dānaiḥ kiṃ kriyākāṃḍaiḥ kiṃ yajñaiḥ kiṃ vratairapi ||
tatkṣetraṃ sevayedbhaktyā hāṭakeśvarasaṃbhavam
||2||किं दानैः किं क्रियाकांडैः किं यज्ञैः किं व्रतैरपि ॥
तत्क्षेत्रं सेवयेद्भक्त्या हाटकेश्वरसंभवम्
agniṣṭomādayo yajñāḥ sarve saṃpūrṇadakṣiṇāḥ ||
tasya kṣetrasya purataḥ kalāṃ nārhaṃti ṣoḍaśīm
||3||अग्निष्टोमादयो यज्ञाः सर्वे संपूर्णदक्षिणाः ॥
तस्य क्षेत्रस्य पुरतः कलां नार्हंति षोडशीम्
cāndrāyaṇāni kṛcchrāṇi tathā sāṃtapanāni ca ||
tasya kṣetrasya purataḥ kalāṃ nārhaṃti ṣoḍaśīm
||4||चान्द्रायणानि कृच्छ्राणि तथा सांतपनानि च ॥
तस्य क्षेत्रस्य पुरतः कलां नार्हंति षोडशीम्
prabhāsādyāni tīrthāni gaṅgādyāḥ saritastathā ||
tasya kṣetrasya purataḥ kalāṃ nārhaṃti ṣoḍaśīm
||5||प्रभासाद्यानि तीर्थानि गङ्गाद्याः सरितस्तथा ॥
तस्य क्षेत्रस्य पुरतः कलां नार्हंति षोडशीम्
bhūmidānāni sarvāṇi dharmāḥ sarve dayādikāḥ ||
tasya kṣetrasya purataḥ kalāṃ nārhaṃti ṣoḍaśīm
||6||भूमिदानानि सर्वाणि धर्माः सर्वे दयादिकाः ॥
तस्य क्षेत्रस्य पुरतः कलां नार्हंति षोडशीम्
tatra rājarṣayaḥ pūrvaṃ prabhūtāḥ siddhimāgatāḥ ||
paśavaḥ pakṣiṇaḥ sarpāḥ siṃhavyāghrā mṛgādayaḥ
||7||तत्र राजर्षयः पूर्वं प्रभूताः सिद्धिमागताः ॥
पशवः पक्षिणः सर्पाः सिंहव्याघ्रा मृगादयः
tatra kālavaśānnaṣṭāste'pi prāptā divālayam ||
yastatra vratahīno'pi kṛṣikarmarato'pi vā
||9||तत्र कालवशान्नष्टास्तेऽपि प्राप्ता दिवालयम् ॥
यस्तत्र व्रतहीनोऽपि कृषिकर्मरतोऽपि वा
nivāsaṃ kurute viprā mṛtastatra divaṃ vrajet ||
kiṃvā ca bahunoktena bhūyobhūyo dvijottamāḥ
||9||निवासं कुरुते विप्रा मृतस्तत्र दिवं व्रजेत् ॥
किंवा च बहुनोक्तेन भूयोभूयो द्विजोत्तमाः
śrūyatāṃ paramaṃ guhyaṃ tasya kṣetrasya saṃbhavam ||
punaṃti kṣetratīrthāni saṃvāsādiha mānavān
||10||श्रूयतां परमं गुह्यं तस्य क्षेत्रस्य संभवम् ॥
पुनंति क्षेत्रतीर्थानि संवासादिह मानवान्
hāṭakeśvarajaṃ kṣetraṃ punāti smaraṇādapi ||
kiṃ punardarśanādviprāḥ sparśanācca viśeṣataḥ
||11||हाटकेश्वरजं क्षेत्रं पुनाति स्मरणादपि ॥
किं पुनर्दर्शनाद्विप्राः स्पर्शनाच्च विशेषतः
iti śrīskāṃde mahāpurāṇa ekāśītisāhasryāṃ saṃhitāyāṃ ṣaṣṭhe nāgarakhaṇḍe hāṭakeśvarakṣetramāhātmye raktaśṛṅgasāṃnidhyasevanaphalaśraiṣṭhyavarṇanaṃnāma ṣoḍaśo' dhyāyaḥ || 16 ||