palāśo harirūpeṇa sevyate hi purāvidaiḥ
vāṇyuvāca
palāśo harirūpeṇa sevyate hi purāvidaiḥ ||
bahubhirhyupacāraistu brahmavṛkṣasya sevanam
||1||पलाशो हरिरूपेण सेव्यते हि पुराविदैः ॥
बहुभिर्ह्युपचारैस्तु ब्रह्मवृक्षस्य सेवनम्
sarvakāmapradaṃ proktaṃ mahāpātakanāśanam ||
trīṇi patrāṇi pālāśe madhyamaṃ viṣṇuśāpitam
||2||सर्वकामप्रदं प्रोक्तं महापातकनाशनम् ॥
त्रीणि पत्राणि पालाशे मध्यमं विष्णुशापितम्
vāme brahmā dakṣiṇe ca hara ekaḥ prakīrtitaḥ ||
palāśapātre yo bhuṃkte nityameva narottamaḥ
||3||वामे ब्रह्मा दक्षिणे च हर एकः प्रकीर्तितः ॥
पलाशपात्रे यो भुंक्ते नित्यमेव नरोत्तमः
aśvamedhasahasrasya phalaṃ prāpnotyasaṃśayam ||
cāturmāsye viśeṣeṇa bhokturmokṣapradaṃ bhavet
||4||अश्वमेधसहस्रस्य फलं प्राप्नोत्यसंशयम् ॥
चातुर्मास्ये विशेषेण भोक्तुर्मोक्षप्रदं भवेत्
payasā vātha dugdhena ravivāre'niśaṃ yadi ||
cāturmāsye'rcito yaistu te yāṃti paramaṃpadam
||5||पयसा वाथ दुग्धेन रविवारेऽनिशं यदि ॥
चातुर्मास्येऽर्चितो यैस्तु ते यांति परमंपदम्
dṛśyate yadi pālāśaḥ prātarutthāya mānavaiḥ ||
narakānāśu nirdhūya gamyate paramaṃ padam
||6||दृश्यते यदि पालाशः प्रातरुत्थाय मानवैः ॥
नरकानाशु निर्धूय गम्यते परमं पदम्
pālāśaḥ sarvadevānāmādhāro dharmasādhanam ||
yatra lobhastu tasya syāttatra pūjyo mahātaruḥ
||7||पालाशः सर्वदेवानामाधारो धर्मसाधनम् ॥
यत्र लोभस्तु तस्य स्यात्तत्र पूज्यो महातरुः
yathā sarveṣu varṇeṣu vipro mukhyatamo bhavet ||
madhye sarvatarūṇāṃ ca brahmavṛkṣo mahottamaḥ
||8||यथा सर्वेषु वर्णेषु विप्रो मुख्यतमो भवेत् ॥
मध्ये सर्वतरूणां च ब्रह्मवृक्षो महोत्तमः
yasya mūle haro nityaṃ skaṃdhe śūladharaḥsvayam ||
śākhāsu bhagavānrudraḥ puṣpeṣu tripurāṃtakaḥ
||9||यस्य मूले हरो नित्यं स्कंधे शूलधरःस्वयम् ॥
शाखासु भगवान्रुद्रः पुष्पेषु त्रिपुरांतकः
śivaḥ patreṣu vasati phale gaṇapatistathā ||
gaṃgāpatistvacāyāṃ tu majjāyāṃ bhagavā nbhavaḥ
||10||शिवः पत्रेषु वसति फले गणपतिस्तथा ॥
गंगापतिस्त्वचायां तु मज्जायां भगवा न्भवः
īśvarastu praśākhāsu sarvo'yaṃ haravallabhaḥ ||
haraḥ karpūradhavalo yathāvadvarṇitaḥ sadā
||11||ईश्वरस्तु प्रशाखासु सर्वोऽयं हरवल्लभः ॥
हरः कर्पूरधवलो यथावद्वर्णितः सदा
tathā hyayaṃ brahmarūpaḥ sitavarṇo mahābhagaḥ ||
ciṃtito ripunāśāya pāpasaṃśoṣaṇāya ca
||12||तथा ह्ययं ब्रह्मरूपः सितवर्णो महाभगः ॥
चिंतितो रिपुनाशाय पापसंशोषणाय च
manorathapradānāya jāyate nātra saṃśayaḥ ||
guruvāre samāyāte cāturmāsye tathaiva ca
||13||मनोरथप्रदानाय जायते नात्र संशयः ॥
गुरुवारे समायाते चातुर्मास्ये तथैव च
pūjitaśca stuto dhyātaḥ sarvaduḥkhavināśakaḥ
||14||पूजितश्च स्तुतो ध्यातः सर्वदुःखविनाशकः
devastutyo devabījaṃ paraṃ yanmūrtaṃ brahma brahmavṛkṣatvamāptam ||
nityaṃ sevyaḥ śraddhayā sthāṇurūpaścāturmāsye sevitaḥ pāpahā syāt
||15||देवस्तुत्यो देवबीजं परं यन्मूर्तं ब्रह्म ब्रह्मवृक्षत्वमाप्तम् ॥
नित्यं सेव्यः श्रद्धया स्थाणुरूपश्चातुर्मास्ये सेवितः पापहा स्यात्
iti śrīskāṃde mahāpurāṇa ekāśītisāhasryāṃ saṃhitāyāṃ ṣaṣṭhe nāgarakhaṇḍe hāṭakeśvarakṣetramāhātmye śeṣaśāyyupākhyāne brahmanāradasaṃvāde cāturmāsyamāhātmye paijavanopākhyāne pālāśamahimavarṇanaṃnāmāṣṭacatvāriṃśaduttaradviśatatamo'dhyāyaḥ || 248 ||