ratnādityamāhātmyavarṇanam
ṛṣaya ūcuḥ
śrutaṃ tīrthatrayaṃ puṇyaṃ hāṭakeśvarasaṃjñite ||
kṣetre'tra yattvayā proktamasmākaṃ sūtanaṃdana
||1||श्रुतं तीर्थत्रयं पुण्यं हाटकेश्वरसंज्ञिते ॥
क्षेत्रेऽत्र यत्त्वया प्रोक्तमस्माकं सूतनंदन
viśvāmitrīyamāhātmyaṃ śrotumicchāmahe vayam ||
sāṃprataṃ tatsamācakṣva paraṃ kautūhalaṃ hi naḥ
||2||विश्वामित्रीयमाहात्म्यं श्रोतुमिच्छामहे वयम् ॥
सांप्रतं तत्समाचक्ष्व परं कौतूहलं हि नः
sūta uvāca
samudrasyāpi pāro'tra lakṣyate ca kṣiterapi ||
tārakāṇāṃ munestasya na guṇānāṃ dvijottamāḥ
||3||समुद्रस्यापि पारोऽत्र लक्ष्यते च क्षितेरपि ॥
तारकाणां मुनेस्तस्य न गुणानां द्विजोत्तमाः
lakṣyate kenacitpāro gādheḥ putrasya dhīmataḥ ||
kṣatriyo'pi dvijatvaṃ yaḥ saṃprāpto dvijasattamāḥ ||
4 aṃtyajatvaṃ gatasyāpi triśaṃkoḥ pṛthivīpateḥ ||
yajñabhāgabhujo devāḥ pratyakṣeṇa vinirmitāḥ
||5||लक्ष्यते केनचित्पारो गाधेः पुत्रस्य धीमतः ॥
क्षत्रियोऽपि द्विजत्वं यः संप्राप्तो द्विजसत्तमाः ॥
४ अंत्यजत्वं गतस्यापि त्रिशंकोः पृथिवीपतेः ॥
यज्ञभागभुजो देवाः प्रत्यक्षेण विनिर्मिताः
brahmaṇaḥ spardhayā yena purā sṛṣṭirdvijottamāḥ ||
prārabdhā ca tato devaiḥ praṇipatya nivāritaḥ
||6||ब्रह्मणः स्पर्धया येन पुरा सृष्टिर्द्विजोत्तमाः ॥
प्रारब्धा च ततो देवैः प्रणिपत्य निवारितः
tasya tīrthasya māhātmyaṃ sāprataṃ vadato mama ||
śrūyatāṃ brāhmaṇaśreṣṭhāḥ sarvapātakanāśa nam
||7||तस्य तीर्थस्य माहात्म्यं साप्रतं वदतो मम ॥
श्रूयतां ब्राह्मणश्रेष्ठाः सर्वपातकनाश नम्
tena tatra kṛtaṃ kuṇḍaṃ svahastena mahātmanā ||
śastraṃ vināpi bhūpṛṣṭhaṃ pravidārya samaṃtataḥ
||8||तेन तत्र कृतं कुण्डं स्वहस्तेन महात्मना ॥
शस्त्रं विनापि भूपृष्ठं प्रविदार्य समंततः
tatra dhyātvā samānītā pātālājjāhnavī nadī ||
martyaloke samāyātaṃ yasyāstoyaṃ sunirmalam
||9||तत्र ध्यात्वा समानीता पातालाज्जाह्नवी नदी ॥
मर्त्यलोके समायातं यस्यास्तोयं सुनिर्मलम्
susvādu ca tathā snānātsarvapātakanāśanam ||
tenāpi sthāpitastatra bhāskaro vāritaskaraḥ
||10||सुस्वादु च तथा स्नानात्सर्वपातकनाशनम् ॥
तेनापि स्थापितस्तत्र भास्करो वारितस्करः
yaḥ saptamyāṃ sūryavāre snātvā tasya hṛde śubhe ||
māghamāse site pakṣe namasyati divākaram ||
sa kuṣṭhairmucyate sarvaistathā pāpairdvijo ttamāḥ
||11||यः सप्तम्यां सूर्यवारे स्नात्वा तस्य हृदे शुभे ॥
माघमासे सिते पक्षे नमस्यति दिवाकरम् ॥
स कुष्ठैर्मुच्यते सर्वैस्तथा पापैर्द्विजो त्तमाः
paścimottaradigbhāge tasyāsti jalasaṃbhavā ||
dhanvaṃtarikṛtā vāpī sarvarogavināśinī
||12||पश्चिमोत्तरदिग्भागे तस्यास्ति जलसंभवा ॥
धन्वंतरिकृता वापी सर्वरोगविनाशिनी
tatra pūrvaṃ tapastepe dhanvaṃ tarirudāradhīḥ ||
vavande tapasā yukto dhyāyamānaḥ samāhitaḥ
||13||तत्र पूर्वं तपस्तेपे धन्वं तरिरुदारधीः ॥
ववन्दे तपसा युक्तो ध्यायमानः समाहितः
tataḥ kālena mahatā saṃtuṣṭastasya bhāskaraḥ ||
uvāca varado'smīti prārthayasva mahāmate
||14||ततः कालेन महता संतुष्टस्तस्य भास्करः ॥
उवाच वरदोऽस्मीति प्रार्थयस्व महामते
dhanvaṃtariruvāca
atra kuṇḍe naro bhaktyā yaḥ snānaṃ kurute vibho ||
tasya syātsarvarogāṇāṃ saṃkṣayaḥ surasattama
||15||अत्र कुण्डे नरो भक्त्या यः स्नानं कुरुते विभो ॥
तस्य स्यात्सर्वरोगाणां संक्षयः सुरसत्तम
śrībhagavānuvāca
adya śaste dine yo'tra saptamyāṃ ravivāsare ||
sūryodaye naraḥ snānaṃ kariṣyati samāhitaḥ ||
vyādhigrastaḥ sa nīrogastatkṣaṇātsaṃbhaviṣyati
||16||अद्य शस्ते दिने योऽत्र सप्तम्यां रविवासरे ॥
सूर्योदये नरः स्नानं करिष्यति समाहितः ॥
व्याधिग्रस्तः स नीरोगस्तत्क्षणात्संभविष्यति
nīrogaścepsitānkāmānniṣkāmo mokṣameṣyati |
evamuktvā suraśre ṣṭhoṃ'tardhānaṃ sa gato raviḥ ||
dhanvantariḥ prahṛṣṭātmā svasthānaṃ ca gatastataḥ
||18||नीरोगश्चेप्सितान्कामान्निष्कामो मोक्षमेष्यति ।
एवमुक्त्वा सुरश्रे ष्ठोंऽतर्धानं स गतो रविः ॥
धन्वन्तरिः प्रहृष्टात्मा स्वस्थानं च गतस्ततः
kasyacittvatha kālasya ratnākṣo'tha mahīpatiḥ ||
ayodhyādhi patiḥ khyātaḥ sūryavaṃśasamudbhavaḥ
||19||कस्यचित्त्वथ कालस्य रत्नाक्षोऽथ महीपतिः ॥
अयोध्याधि पतिः ख्यातः सूर्यवंशसमुद्भवः
kṛtajñaśca vadānyaśca svadāranirataḥ sadā ||
śūraḥ paramatejasvī sarvaśatruniṣūdanaḥ
||20||कृतज्ञश्च वदान्यश्च स्वदारनिरतः सदा ॥
शूरः परमतेजस्वी सर्वशत्रुनिषूदनः
pūrvakarmavipākena tasya bhūmipaterdvijāḥ ||
kuṣṭhavyādhirabhūdraudro duścikitsyo jagattraye
||21||पूर्वकर्मविपाकेन तस्य भूमिपतेर्द्विजाः ॥
कुष्ठव्याधिरभूद्रौद्रो दुश्चिकित्स्यो जगत्त्रये
tadasti nauṣadhaṃ loke yattena na kṛtaṃ dvijāḥ ||
kuṣṭhagrastena vā dānaṃ yatra dattaṃ mahātmanā
||22||तदस्ति नौषधं लोके यत्तेन न कृतं द्विजाः ॥
कुष्ठग्रस्तेन वा दानं यत्र दत्तं महात्मना
yathāyathauṣadhānyeva sa karoti dadāti ca ||
tathātathā tasya kāyo vyādhinā kṣāmito bhṛśam
||23||यथायथौषधान्येव स करोति ददाति च ॥
तथातथा तस्य कायो व्याधिना क्षामितो भृशम्
tato vairāgyamāpannaḥ sa nṛpo dvijasattamāḥ ||
putraṃ rājye'tha saṃsthāpya vāṃchayāmāsa pāvakam ||
niṣiddho'pi hi taiḥ sarvaiḥ kalatrairāptasevakaiḥ
||24||ततो वैराग्यमापन्नः स नृपो द्विजसत्तमाः ॥
पुत्रं राज्येऽथ संस्थाप्य वांछयामास पावकम् ॥
निषिद्धोऽपि हि तैः सर्वैः कलत्रैराप्तसेवकैः
dattvā dānāni viprebhyaḥ pūjayitvā surottamān ||
saṃbhāṣya ca suhṛdvargaṃ śāsayitvā nijaṃ sutam
||25||दत्त्वा दानानि विप्रेभ्यः पूजयित्वा सुरोत्तमान् ॥
संभाष्य च सुहृद्वर्गं शासयित्वा निजं सुतम्
etasminneva kāle tu bhramamāṇe yadṛcchayā ||
kaścitkārpaṭikaḥ prāpto divyarūpavapurdharaḥ
||26||एतस्मिन्नेव काले तु भ्रममाणे यदृच्छया ॥
कश्चित्कार्पटिकः प्राप्तो दिव्यरूपवपुर्धरः
athāsau vyākulaṃ dṛṣṭvā tatsarvaṃ nṛpateḥ puram ||
apṛcchadvismayāviṣṭo dṛṣṭvā kañcinnaraṃ dvijāḥ
||27||अथासौ व्याकुलं दृष्ट्वा तत्सर्वं नृपतेः पुरम् ॥
अपृच्छद्विस्मयाविष्टो दृष्ट्वा कञ्चिन्नरं द्विजाः
kārpaṭika uvāca
kimeṣā vyākulā bhadre sarvā jātā mahāpurī ||
nirānandā'śrupūrṇākṣairbālavṛddhairniṣevitā
||28||किमेषा व्याकुला भद्रे सर्वा जाता महापुरी ॥
निरानन्दाऽश्रुपूर्णाक्षैर्बालवृद्धैर्निषेविता
so'bravīnnṛpatiścāyaṃ kuṣṭhavyādhisamanvitaḥ ||
sādhayiṣyati sandīptaṃ sunirviṇṇo hutāśanam
||29||सोऽब्रवीन्नृपतिश्चायं कुष्ठव्याधिसमन्वितः ॥
साधयिष्यति सन्दीप्तं सुनिर्विण्णो हुताशनम्
teneyaṃ nagarī kṛtsnā paraṃ duḥkhamupāgatā ||
guṇairasya samāviṣṭā nūnaṃ mṛtyuṃ prayāsyati
||30||तेनेयं नगरी कृत्स्ना परं दुःखमुपागता ॥
गुणैरस्य समाविष्टा नूनं मृत्युं प्रयास्यति
tacchrutvā satvaraṃ gatvā nṛpaṃ kārpaṭiko'bravīt
||31||तच्छ्रुत्वा सत्वरं गत्वा नृपं कार्पटिकोऽब्रवीत्
sarvaṃ janaṃ narendrasya mṛtaṃ jīvāpayanniva ||
mā nṛpānena duḥkhena vyādhijena hutāśanam ||
praviśa tvaṃ sthite tīrthe sarvavyādhikṣayāvahe
||32||सर्वं जनं नरेन्द्रस्य मृतं जीवापयन्निव ॥
मा नृपानेन दुःखेन व्याधिजेन हुताशनम् ॥
प्रविश त्वं स्थिते तीर्थे सर्वव्याधिक्षयावहे
madīyo bhūpate deha īdṛgāsīdyathā tava ||
tatra snātasya sadyo'tha jāta īdṛkpunaḥ prabho
||33||मदीयो भूपते देह ईदृगासीद्यथा तव ॥
तत्र स्नातस्य सद्योऽथ जात ईदृक्पुनः प्रभो
saptamyāṃ sūryavāreṇa bhāskarasyodayaṃ prati ||
yastatra kurute snānaṃ vyādhigrasto naro bhuvi
||34||सप्तम्यां सूर्यवारेण भास्करस्योदयं प्रति ॥
यस्तत्र कुरुते स्नानं व्याधिग्रस्तो नरो भुवि
sa vyādhinā vini rmuktastatkṣaṇātkalpatāṃ vrajet ||
tathā pāpavinirmukto yathāhaṃ nṛpasattama
||35||स व्याधिना विनि र्मुक्तस्तत्क्षणात्कल्पतां व्रजेत् ॥
तथा पापविनिर्मुक्तो यथाहं नृपसत्तम
rājovāca
kasmindeśe mahātīrthaṃ tādṛśaṃ vada me drutam
||36||कस्मिन्देशे महातीर्थं तादृशं वद मे द्रुतम्
kārpaṭikauvāca
asti bhūmitale khyātaṃ nāgaraṃ kṣetramuttamam ||
kuṣṭhavyādhisamākrāṃto gato'haṃ tatra bhūpate
||37||अस्ति भूमितले ख्यातं नागरं क्षेत्रमुत्तमम् ॥
कुष्ठव्याधिसमाक्रांतो गतोऽहं तत्र भूपते
tasya sandarśanārthāya tīrthayātrāparāyaṇaḥ ||
tatra māṃ dīnamālokya vyādhigrastaṃ suduḥkhitam ||
kaścittatrāśrayaḥ prāha tapasvī kṛpayānvitaḥ
||38||तस्य सन्दर्शनार्थाय तीर्थयात्रापरायणः ॥
तत्र मां दीनमालोक्य व्याधिग्रस्तं सुदुःखितम् ॥
कश्चित्तत्राश्रयः प्राह तपस्वी कृपयान्वितः
paścimottaradigbhāge devasya jalaśāyinaḥ ||
tīrthamasti mahāpuṇyaṃ viśvāmitrajalāvaham
||39||पश्चिमोत्तरदिग्भागे देवस्य जलशायिनः ॥
तीर्थमस्ति महापुण्यं विश्वामित्रजलावहम्
tatra gatvā kuru snānaṃ saptamyāṃ ravivāsare ||
māghamāse tu saṃprāpte śuklapakṣe viśeṣataḥ
||40||तत्र गत्वा कुरु स्नानं सप्तम्यां रविवासरे ॥
माघमासे तु संप्राप्ते शुक्लपक्षे विशेषतः
yena niryāti te kuṣṭho bhāskarasyodayaṃ prati ||
tacchrutvā'haṃ ca tatprāptaḥ saptamyāṃ sūryasaṃyuji ||
tataśca kṛtavānsnānaṃ nirjhare tatra śāṃbhave
||41||येन निर्याति ते कुष्ठो भास्करस्योदयं प्रति ॥
तच्छ्रुत्वाऽहं च तत्प्राप्तः सप्तम्यां सूर्यसंयुजि ॥
ततश्च कृतवान्स्नानं निर्झरे तत्र शांभवे
tatastasmādviniṣkrāṃto yāvatpaśyāmyahaṃ tanum ||
tāvannṛpedṛśī jātā satyametattavoditam
||42||ततस्तस्माद्विनिष्क्रांतो यावत्पश्याम्यहं तनुम् ॥
तावन्नृपेदृशी जाता सत्यमेतत्तवोदितम्
tasmāttvamapi rājeṃdra tatra snānaṃ samācara ||
saptamyāṃ sūryavāreṇa bhāskarasyodayaṃ prati
||43||तस्मात्त्वमपि राजेंद्र तत्र स्नानं समाचर ॥
सप्तम्यां सूर्यवारेण भास्करस्योदयं प्रति
yena te naśyati vyādhirviśeṣamapi pātakam ||
tacchrutvā sa nṛpastūrṇaṃ tenaiva sahito yayau
||44||येन ते नश्यति व्याधिर्विशेषमपि पातकम् ॥
तच्छ्रुत्वा स नृपस्तूर्णं तेनैव सहितो ययौ
cakāra sa tathā snānaṃ saptamyāṃ sūryavāsare ||
māghamāse tu saṃprāpte viśvāmitrajale śubhe
||45||चकार स तथा स्नानं सप्तम्यां सूर्यवासरे ॥
माघमासे तु संप्राप्ते विश्वामित्रजले शुभे
tataḥ kuṣṭhavinirmuktastatkṣaṇātsamapadyata ||
divyarūpavapurddhārī kāmadeva ivāparaḥ
||46||ततः कुष्ठविनिर्मुक्तस्तत्क्षणात्समपद्यत ॥
दिव्यरूपवपुर्द्धारी कामदेव इवापरः
atha tuṣṭo nareṃdrastu tasmai kārpaṭikāya ca ||
dadau koṭitrayaṃ hemnaḥ provāca sa tato vacaḥ
||47||अथ तुष्टो नरेंद्रस्तु तस्मै कार्पटिकाय च ॥
ददौ कोटित्रयं हेम्नः प्रोवाच स ततो वचः
tvatprasādādvimukto'smi rogādasmātsudāruṇāt ||
tasmāttvaṃ gaccha gehaṃ svaṃ sthāsye'haṃ cātra nirbharam
||48||त्वत्प्रसादाद्विमुक्तोऽस्मि रोगादस्मात्सुदारुणात् ॥
तस्मात्त्वं गच्छ गेहं स्वं स्थास्येऽहं चात्र निर्भरम्
kariṣyāmi tapo nityaṃ svakalatrasama nvitaḥ ||
rājye saṃsthāpitaḥ putraḥ samartho rājyakarmaṇi
||49||करिष्यामि तपो नित्यं स्वकलत्रसम न्वितः ॥
राज्ये संस्थापितः पुत्रः समर्थो राज्यकर्मणि
ityuktvā prerayāmāsa taṃ tathānyānsamāgatān ||
sevakāsvagṛhāyaiva svayaṃ tatraiva saṃsthitaḥ
||50||इत्युक्त्वा प्रेरयामास तं तथान्यान्समागतान् ॥
सेवकास्वगृहायैव स्वयं तत्रैव संस्थितः
kṛtvā''śramapadaṃ ramyaṃ svakalatrasamanvitaḥ ||
saṃprāptaśca parāṃ siddhiṃ kālena dvijasattamāḥ
||51||कृत्वाऽऽश्रमपदं रम्यं स्वकलत्रसमन्वितः ॥
संप्राप्तश्च परां सिद्धिं कालेन द्विजसत्तमाः
tasya nāmnā tataḥ khyātaṃ tīrtha metattriviṣṭape ||
sarvavyādhiharaṃ ramyaṃ sarvapātakanāśanam
||52||तस्य नाम्ना ततः ख्यातं तीर्थ मेतत्त्रिविष्टपे ॥
सर्वव्याधिहरं रम्यं सर्वपातकनाशनम्
tena saṃsthāpitastatra devadevo divākaraḥ ||
ratnāditya iti khyāto nijanāmnā mahā tmanā
||53||तेन संस्थापितस्तत्र देवदेवो दिवाकरः ॥
रत्नादित्य इति ख्यातो निजनाम्ना महा त्मना
saptamyāṃ sūryavāreṇa tatra snātvā prapaśyati ||
yastu pāpavinirmuktaḥ sūryalokaṃ sa gacchati
||54||सप्तम्यां सूर्यवारेण तत्र स्नात्वा प्रपश्यति ॥
यस्तु पापविनिर्मुक्तः सूर्यलोकं स गच्छति
yadanyattatra saṃvṛttaṃ kṣetrajātaṃ dvijo ttamāḥ ||
tadahaṃ kīrtayiṣyāmi śṛṇudhvaṃ susamāhitāḥ
||55||यदन्यत्तत्र संवृत्तं क्षेत्रजातं द्विजो त्तमाः ॥
तदहं कीर्तयिष्यामि शृणुध्वं सुसमाहिताः
āsīttatra pumānkaściddeśe grāmyo jarātmakaḥ ||
kuṣṭhī tathāpi nityaṃ sa karoti paśu rakṣaṇam
||56||आसीत्तत्र पुमान्कश्चिद्देशे ग्राम्यो जरात्मकः ॥
कुष्ठी तथापि नित्यं स करोति पशु रक्षणम्
ekadā rakṣatastasya paśūṃstatra gireradhaḥ ||
ekaḥ paśurviniṣkrāṃtaḥ satpathāttṛṇalobhataḥ
||57||एकदा रक्षतस्तस्य पशूंस्तत्र गिरेरधः ॥
एकः पशुर्विनिष्क्रांतः सत्पथात्तृणलोभतः
saptamyāṃ ravivāreṇa patitastasya nirjhare ||
na ca saṃlakṣitastena gacchamānaḥ kathaṃcana
||58||सप्तम्यां रविवारेण पतितस्तस्य निर्झरे ॥
न च संलक्षितस्तेन गच्छमानः कथंचन
atha yāvadgṛhe so'tha bhojanāthaṃ samudyataḥ ||
tāvattasya paśoḥ svāmī bhartsayansamupāgataḥ
||59||अथ यावद्गृहे सोऽथ भोजनाथं समुद्यतः ॥
तावत्तस्य पशोः स्वामी भर्त्सयन्समुपागतः
nāyātaḥ sa paśuḥ kasmānmadīyo māmake gṛhe ||
tasmādānaya taṃ śīghraṃ no cetprāṇānharāmi te
||60||नायातः स पशुः कस्मान्मदीयो मामके गृहे ॥
तस्मादानय तं शीघ्रं नो चेत्प्राणान्हरामि ते
sūta uvāca
tacchrutvā bhaya saṃtrastaḥ sa kuṣṭhī satvaraṃ yayau ||
tena mārgeṇa yenaiva divā bhrāṃto mahītale
||61||तच्छ्रुत्वा भय संत्रस्तः स कुष्ठी सत्वरं ययौ ॥
तेन मार्गेण येनैव दिवा भ्रांतो महीतले
atha dūrātsa śuśrāva tasya rāvaṃ paśostadā ||
patitasya mahāgarte niśāṃte tamasi sthite
||62||अथ दूरात्स शुश्राव तस्य रावं पशोस्तदा ॥
पतितस्य महागर्ते निशांते तमसि स्थिते
tato gatvā'tha taṃ gartaṃ praviśya jalamadhyataḥ ||
cakarṣa taṃ paśuṃ kṛcchrātpaṃkamadhyātsudāruṇāt ||
samādāyātha taṃ harmyaṃ prajagāma śanaiḥśanaiḥ
||63||ततो गत्वाऽथ तं गर्तं प्रविश्य जलमध्यतः ॥
चकर्ष तं पशुं कृच्छ्रात्पंकमध्यात्सुदारुणात् ॥
समादायाथ तं हर्म्यं प्रजगाम शनैःशनैः
arpayitvātha taṃ tasya svakīyaṃ tvāśramaṃ gataḥ
||64||अर्पयित्वाथ तं तस्य स्वकीयं त्वाश्रमं गतः
tataḥ supto mahābhāgāḥ sa prabuddhaḥ punaryadā ||
prabhāte vīkṣate gātraṃ yāvatkuṣṭhavivarjitam
||65||ततः सुप्तो महाभागाः स प्रबुद्धः पुनर्यदा ॥
प्रभाते वीक्षते गात्रं यावत्कुष्ठविवर्जितम्
śobhayā parayā yuktaṃ vismayotphullalocanaḥ ||
ciṃtayāmāsa kiṃ hyetadakasmādrogasaṃkṣayaḥ
||66||शोभया परया युक्तं विस्मयोत्फुल्ललोचनः ॥
चिंतयामास किं ह्येतदकस्माद्रोगसंक्षयः
nūnaṃ tasya prabhāvo'yaṃ tīrthasyādya niśāgame ||
mayāvagāhitaṃ yacca paśorarthaṃ sukarddamam
||67||नूनं तस्य प्रभावोऽयं तीर्थस्याद्य निशागमे ॥
मयावगाहितं यच्च पशोरर्थं सुकर्द्दमम्
tataśca vīkṣayāmāsa tena gatvā sukautukāt ||
yāvatkaṃḍūvinirmuktastejasā parivāritaḥ
||68||ततश्च वीक्षयामास तेन गत्वा सुकौतुकात् ॥
यावत्कंडूविनिर्मुक्तस्तेजसा परिवारितः
tatra sthāne svayaṃ gatvā jñātvā ca tīrthamuttamam ||
tapastepe sa tatraiva dhyāyamāno divākaram
||69||तत्र स्थाने स्वयं गत्वा ज्ञात्वा च तीर्थमुत्तमम् ॥
तपस्तेपे स तत्रैव ध्यायमानो दिवाकरम्
araṇyavāsinaṃ samyagdivārātramataṃdritaḥ ||
gataśca paramāṃ siddhiṃ durlabhāṃ tridaśairapi
||70||अरण्यवासिनं सम्यग्दिवारात्रमतंद्रितः ॥
गतश्च परमां सिद्धिं दुर्लभां त्रिदशैरपि
tasmātsarvaprayatnena tatra snānaṃ samācaret
||71||तस्मात्सर्वप्रयत्नेन तत्र स्नानं समाचरेत्
pūjayeccāpi taṃ devaṃ bhāskaraṃ vāritaskaram ||
adyāpi kalikāle'pi tatra snāto naraḥ śuciḥ
||72||पूजयेच्चापि तं देवं भास्करं वारितस्करम् ॥
अद्यापि कलिकालेऽपि तत्र स्नातो नरः शुचिः
tatra puṇyajale kuṇḍe saptamyāṃ sūryavāsare ||
yastaṃ pūjayate bhaktyā so'pi pāpaiḥ pramucyate
||73||तत्र पुण्यजले कुण्डे सप्तम्यां सूर्यवासरे ॥
यस्तं पूजयते भक्त्या सोऽपि पापैः प्रमुच्यते
gāyatryaṣṭasahasraṃ yo japettatpurataḥ sthitaḥ ||
so'pi rogavinirmukto mucyate sarvapātakaiḥ
||74||गायत्र्यष्टसहस्रं यो जपेत्तत्पुरतः स्थितः ॥
सोऽपि रोगविनिर्मुक्तो मुच्यते सर्वपातकैः
tasyoddeśena yo dadyāddhenuṃ śraddhāsamanvitaḥ ||
na tasyānvayajāto'pi vyādhinā parigṛhyate
||785||तस्योद्देशेन यो दद्याद्धेनुं श्रद्धासमन्वितः ॥
न तस्यान्वयजातोऽपि व्याधिना परिगृह्यते
etadvaḥ sarvamākhyātaṃ mayādityasya saṃbhavam ||
māhātmyaṃ śravaṇādyasya naraḥ pāpādvimucyate
||76||एतद्वः सर्वमाख्यातं मयादित्यस्य संभवम् ॥
माहात्म्यं श्रवणाद्यस्य नरः पापाद्विमुच्यते
iti śrīskāṃde mahāpurāṇa ekāśītisāhasryāṃ saṃhitāyāṃ ṣaṣṭhe nāgarakhaṇḍe hāṭakeśvarakṣetra māhātmye ratnādityamāhātmyavarṇanaṃnāma dvādaśottaradviśatatamo'dhyāyaḥ || 212 ||