kṛtāṃjalipuṭā bhūtvā stutiṃ kṛtvā vaco'bruvan
viśvāmitra uvāca
atha te brāhmaṇāḥ sarve bhartṛyajñaṃ mahāmatim ||
kṛtāṃjalipuṭā bhūtvā stutiṃ kṛtvā vaco'bruvan
||1||अथ ते ब्राह्मणाः सर्वे भर्तृयज्ञं महामतिम् ॥
कृतांजलिपुटा भूत्वा स्तुतिं कृत्वा वचोऽब्रुवन्
yadetadbhavatā proktaṃ śodhito yo bhaveddvijaḥ ||
śrāddhasya kanyakāyāśca somapānasya so'rhati
||2||यदेतद्भवता प्रोक्तं शोधितो यो भवेद्द्विजः ॥
श्राद्धस्य कन्यकायाश्च सोमपानस्य सोऽर्हति
kathaṃ śuddhiḥ prakartavyā tasya sarvaṃ bravīhi naḥ ||
nāgarasya samastasya deśāṃtaragatasya ca
||3||कथं शुद्धिः प्रकर्तव्या तस्य सर्वं ब्रवीहि नः ॥
नागरस्य समस्तस्य देशांतरगतस्य च
deśāṃtaraprajātasya tatra jātasya vā punaḥ ||
ajñātapitṛvargasya sāmā nyaṃ padamicchataḥ
||4||देशांतरप्रजातस्य तत्र जातस्य वा पुनः ॥
अज्ञातपितृवर्गस्य सामा न्यं पदमिच्छतः
etannaḥ sarvamācakṣva vistareṇa mahāmate
||5||एतन्नः सर्वमाचक्ष्व विस्तरेण महामते
viśvāmitra uvāca
teṣāṃ tadvacanaṃ śrutvā brāhmaṇānāṃ nṛpottama ||
abravīdbhartṛyajñastu svābhiprāyaṃ susaṃmatam
||6||तेषां तद्वचनं श्रुत्वा ब्राह्मणानां नृपोत्तम ॥
अब्रवीद्भर्तृयज्ञस्तु स्वाभिप्रायं सुसंमतम्
bhartṛyajña uvāca
praśnabhāro mahāneṣa bhavadbhiḥ samudāhṛtaḥ ||
tathāpi kathayiṣyāmi namaskṛtya svayaṃbhuvam
||7||प्रश्नभारो महानेष भवद्भिः समुदाहृतः ॥
तथापि कथयिष्यामि नमस्कृत्य स्वयंभुवम्
ajñātapitṛvaṃśo yo dūrādapi samāgataḥ ||
sāmānyaṃ vāṃchate padyaṃ nāgaro'smīti kīrtayan
||8||अज्ञातपितृवंशो यो दूरादपि समागतः ॥
सामान्यं वांछते पद्यं नागरोऽस्मीति कीर्तयन्
tasya śuddhiḥ pradā tavyā mukhyaiḥ śāṃtaiḥ śubhairdvijaiḥ ||
gartātīrthodbhavaṃ vipraṃ kṛtvā caiva puraḥsaram
||9||तस्य शुद्धिः प्रदा तव्या मुख्यैः शांतैः शुभैर्द्विजैः ॥
गर्तातीर्थोद्भवं विप्रं कृत्वा चैव पुरःसरम्
viśuddhiṃ yācamānasya yadi yacchaṃti no dvijāḥ ||
kāmādvā yadi vā krodhātpradveṣādvā cyuterbhayāt
||10||विशुद्धिं याचमानस्य यदि यच्छंति नो द्विजाः ॥
कामाद्वा यदि वा क्रोधात्प्रद्वेषाद्वा च्युतेर्भयात्
brahmahatyodbhavaṃ pāpaṃ sarveṣāṃ tatra jāyate ||
tasmādabhyāgato yastu dūrādapi viśeṣataḥ
||11||ब्रह्महत्योद्भवं पापं सर्वेषां तत्र जायते ॥
तस्मादभ्यागतो यस्तु दूरादपि विशेषतः
tasya śuddhiḥ pradātavyā prayatnena dvijottamaiḥ ||
śuddhiṃ tu trividhāṃ prāpto mama vākyasamudbhavām
||12||तस्य शुद्धिः प्रदातव्या प्रयत्नेन द्विजोत्तमैः ॥
शुद्धिं तु त्रिविधां प्राप्तो मम वाक्यसमुद्भवाम्
sa śuddho nāgaro jñeyo jāto deśāṃtareṣvapi ||
pūrvaṃ viśodhayedvaṃśaṃ tato mātṛkulaṃ smṛtam
||13||स शुद्धो नागरो ज्ञेयो जातो देशांतरेष्वपि ॥
पूर्वं विशोधयेद्वंशं ततो मातृकुलं स्मृतम्
tataḥ śīlaṃ tribhiḥ śuddhaḥ sāmānyaṃ padamarhati
||14||ततः शीलं त्रिभिः शुद्धः सामान्यं पदमर्हति
sarveṣāmapi viprāṇāṃ varṣāṃte samupasthite ||
śuddhiḥ kāryā prayatnena svasthānasya viśuddhaye
||15||सर्वेषामपि विप्राणां वर्षांते समुपस्थिते ॥
शुद्धिः कार्या प्रयत्नेन स्वस्थानस्य विशुद्धये
tadarthaṃ śaradaścāṃte śubharttau brāhmaṇottamāḥ ||
cātuścaraṇasaṃpannāḥ saṃsthāpyāḥ ṣoḍaśaiva tu
||16||तदर्थं शरदश्चांते शुभर्त्तौ ब्राह्मणोत्तमाः ॥
चातुश्चरणसंपन्नाः संस्थाप्याः षोडशैव तु
brāhmaṇāḥ purataḥ sarve śāṃtā dāṃtā jiteṃdriyāḥ ||
garttātīrthodbhavaṃ vipraṃ teṣāṃ madhye niveśayet
||17||ब्राह्मणाः पुरतः सर्वे शांता दांता जितेंद्रियाः ॥
गर्त्तातीर्थोद्भवं विप्रं तेषां मध्ये निवेशयेत्
tadagre pīṭhikā deyāścatasro lakṣaṇānvitāḥ ||
yāvatkārttikaparyaṃtaṃ cātuścaraṇakalpitāḥ
||18||तदग्रे पीठिका देयाश्चतस्रो लक्षणान्विताः ॥
यावत्कार्त्तिकपर्यंतं चातुश्चरणकल्पिताः
prathamā bahvṛcasyārthe yājuṣasya tathā'parā ||
sāmagasya tathaivānyā tathā''dyasya caturthikā
||19||प्रथमा बह्वृचस्यार्थे याजुषस्य तथाऽपरा ॥
सामगस्य तथैवान्या तथाऽऽद्यस्य चतुर्थिका
mudrikārthaṃ tathaivānyā paṃcamī parikīrtitā ||
śrīsūktaṃ pāvamānaṃ ca śākunaṃ viṣṇudaivatam
||20||मुद्रिकार्थं तथैवान्या पंचमी परिकीर्तिता ॥
श्रीसूक्तं पावमानं च शाकुनं विष्णुदैवतम्
pārāvataṃ tathā sūktaṃ jīvasūktena saṃyutam ||
bahvṛcaḥ kīrtayettatra śāṃtikaṃ ca tathāparam
||21||पारावतं तथा सूक्तं जीवसूक्तेन संयुतम् ॥
बह्वृचः कीर्तयेत्तत्र शांतिकं च तथापरम्
śāṃtikaṃ śivasaṃkalpamṛṣikalpaṃ caturvidham ||
maṃḍalaṃbrāhmaṇaṃ caiva gāyatrībrāhmaṇaṃ tathā
||22||शांतिकं शिवसंकल्पमृषिकल्पं चतुर्विधम् ॥
मंडलंब्राह्मणं चैव गायत्रीब्राह्मणं तथा
tathā puruṣasūktaṃ ca madhubrāhmaṇameva ca ||
adhvaryuḥ kīrtayettatra rudrānpaṃcāṃgasaṃyutān
||23||तथा पुरुषसूक्तं च मधुब्राह्मणमेव च ॥
अध्वर्युः कीर्तयेत्तत्र रुद्रान्पंचांगसंयुतान्
devavrataṃ ca gāyatraṃ somasūryavrate tathā ||
ekaviṃśatiparyaṃtaṃ tathānyacca rathaṃtaram
||24||देवव्रतं च गायत्रं सोमसूर्यव्रते तथा ॥
एकविंशतिपर्यंतं तथान्यच्च रथंतरम्
sauvrataṃ saṃhitā viṣṇorjyeṣṭhasāma tathaiva ca ||
sāmavedoktarudrāṃśca bhāruṃḍaiḥ sāmabhiryutān
||25||सौव्रतं संहिता विष्णोर्ज्येष्ठसाम तथैव च ॥
सामवेदोक्तरुद्रांश्च भारुंडैः सामभिर्युतान्
chaṃdogaḥ kīrtayettatra yaccānyacchāṃtikaṃ bhavet ||
garbhopaniṣadaṃ caiva skaṃdasūktaṃ tathāparam
||26||छंदोगः कीर्तयेत्तत्र यच्चान्यच्छांतिकं भवेत् ॥
गर्भोपनिषदं चैव स्कंदसूक्तं तथापरम्
nīlarudraiḥ samopetānprāṇarudrāṃstathāparān ||
navarudrāṃśca kṣurikānādyastatra prakīrtayet
||27||नीलरुद्रैः समोपेतान्प्राणरुद्रांस्तथापरान् ॥
नवरुद्रांश्च क्षुरिकानाद्यस्तत्र प्रकीर्तयेत्
tataḥ puṇyāhaghoṣeṇa gītavāditranisvanaiḥ ||
śuklamālyāṃbaradharaḥ śuklacaṃdanacarcitaḥ 28 ||
śuddhikāmo vrajettatra yatra te brāhmaṇāḥ sthitāḥ ||
praṇamya śirasā teṣāṃ tatovācyastu madhyagaḥ
||29||ततः पुण्याहघोषेण गीतवादित्रनिस्वनैः ॥
शुक्लमाल्यांबरधरः शुक्लचंदनचर्चितः २८ ॥
शुद्धिकामो व्रजेत्तत्र यत्र ते ब्राह्मणाः स्थिताः ॥
प्रणम्य शिरसा तेषां ततोवाच्यस्तु मध्यगः
madarthaṃ prārthaya tvaṃ hi sarvānetāndvijottamān ||
yataḥ śuddhiṃ prayacchaṃti prasādaṃ kartumarhasi
||30||मदर्थं प्रार्थय त्वं हि सर्वानेतान्द्विजोत्तमान् ॥
यतः शुद्धिं प्रयच्छंति प्रसादं कर्तुमर्हसि
tatastu prārthayedviprāṃstadarthaṃ ca viśuddhaye ||
gartātīrthodbhavo vipro vinayāvanataḥ sthitaḥ
||31||ततस्तु प्रार्थयेद्विप्रांस्तदर्थं च विशुद्धये ॥
गर्तातीर्थोद्भवो विप्रो विनयावनतः स्थितः
gocarmaṇi samālagnaḥ śuddhikāmasya tasya ca ||
praṣṭavyāstu tatastena sarva eva dvijottamāḥ
||32||गोचर्मणि समालग्नः शुद्धिकामस्य तस्य च ॥
प्रष्टव्यास्तु ततस्तेन सर्व एव द्विजोत्तमाः
eṣa śuddhikṛte prāptaḥ sudūrānnāgaro dvijaḥ ||
asya śuddhiḥ pradātavyā yuṣmākaṃ rocate yadi
||33||एष शुद्धिकृते प्राप्तः सुदूरान्नागरो द्विजः ॥
अस्य शुद्धिः प्रदातव्या युष्माकं रोचते यदि
atha tairvedasūktena niṣedho vā pravartanam ||
vaktavyaṃ vacasā naiva mama vākyamidaṃ sthitam
||34||अथ तैर्वेदसूक्तेन निषेधो वा प्रवर्तनम् ॥
वक्तव्यं वचसा नैव मम वाक्यमिदं स्थितम्
tataśca bahulāndṛṣṭvā ṛgadhvaryūṃstataḥ param ||
chādogyāṃśca tathādyāṃśca krameṇa tu dvijottamāḥ
||35||ततश्च बहुलान्दृष्ट्वा ऋगध्वर्यूंस्ततः परम् ॥
छादोग्यांश्च तथाद्यांश्च क्रमेण तु द्विजोत्तमाः
yadi teṣāṃ manastuṣṭirjāyate dvijasattamāḥ ||
tataḥ sūktāni vākyāni saumyāni suśubhāni ca ||
vāruṇāni tathaiṃdrāṇi māṃgalyaprabhavāṇi ca
||36||यदि तेषां मनस्तुष्टिर्जायते द्विजसत्तमाः ॥
ततः सूक्तानि वाक्यानि सौम्यानि सुशुभानि च ॥
वारुणानि तथैंद्राणि मांगल्यप्रभवाणि च
śreṣṭhāni maṃtraliṃgāni vṛddhituṣṭikarāṇi ca ||
yadi no mānasī tuṣṭi steṣāṃ caiva prajāyate
||37||श्रेष्ठानि मंत्रलिंगानि वृद्धितुष्टिकराणि च ॥
यदि नो मानसी तुष्टि स्तेषां चैव प्रजायते
tadā raudrāṇi yāmyāni nairṛtyāni viśeṣataḥ ||
āgneyāni tvaniṣṭāni tathā nāśakarāṇi ca
||38||तदा रौद्राणि याम्यानि नैर्ऋत्यानि विशेषतः ॥
आग्नेयानि त्वनिष्टानि तथा नाशकराणि च
atha ye tatra mūrkhāḥ syurna vedapaṭhane ratāḥ ||
puṣpadānaṃ tu vaktavyaṃ taiḥ saṃtuṣṭairdvijottamaiḥ
||39||अथ ये तत्र मूर्खाः स्युर्न वेदपठने रताः ॥
पुष्पदानं तु वक्तव्यं तैः संतुष्टैर्द्विजोत्तमैः
sītkāraḥ kupitaiḥ kāryaḥ saṃtoṣeṇa vivarjitaiḥ ||
evaṃ sarveṣu kṛtyeṣu na ca kāryo vinirṇayaḥ
||40||सीत्कारः कुपितैः कार्यः संतोषेण विवर्जितैः ॥
एवं सर्वेषु कृत्येषु न च कार्यो विनिर्णयः
prākṛtairvacanaiścaiva yathā kurvaṃti mānavāḥ ||
tathaiva nirṇayasyāṃte madhyagena vipaścitā
||41||प्राकृतैर्वचनैश्चैव यथा कुर्वंति मानवाः ॥
तथैव निर्णयस्यांते मध्यगेन विपश्चिता
deyaṃ tālatrayaṃ samyaksarveṣāṃ nirṇayodbhave
||42||देयं तालत्रयं सम्यक्सर्वेषां निर्णयोद्भवे
iti śrīskāṃde mahāpurāṇa ekāśītisāhasryāṃ saṃhitāyāṃ ṣaṣṭhe nāgarakhaṇḍe hāṭakeśvarakṣetramāhātmye nāgara praśnanirṇayavarṇanaṃnāmaikottaradviśatatamo'dhyāyaḥ || 201 ||