pratiṣṭhāvṛttāṃtavarṇanam
sūta uvāca
dhṛtarāṣṭreṇa bhūpena śataputrānvitena ca ||
liṃgānāṃ sthāpitaṃ tatra śatamekottaraṃ dvijāḥ
||1||धृतराष्ट्रेण भूपेन शतपुत्रान्वितेन च ॥
लिंगानां स्थापितं तत्र शतमेकोत्तरं द्विजाः
tathā ca pāṃḍavaiḥ sarvaiḥ sthāpitaṃ liṃgapaṃcakam ||
draupadyā cā'tha kuntyā'tha gāṃdhāryā'tha yadṛcchayā
||2||तथा च पांडवैः सर्वैः स्थापितं लिंगपंचकम् ॥
द्रौपद्या चाऽथ कुन्त्याऽथ गांधार्याऽथ यदृच्छया
bhānumatyā ca gaurīṇāṃ sthāpitaṃ ca catuṣṭayam ||
vidureṇātha śalyena kaliṃ gena yuyutsunā
||3||भानुमत्या च गौरीणां स्थापितं च चतुष्टयम् ॥
विदुरेणाथ शल्येन कलिं गेन युयुत्सुना
bāhlīkena saputreṇa karṇenātha sasūnunā ||
tathā śakuninā tatra droṇena ca kṛpeṇa ca
||4||बाह्लीकेन सपुत्रेण कर्णेनाथ ससूनुना ॥
तथा शकुनिना तत्र द्रोणेन च कृपेण च
aśvatthāmnā pṛthaktvena liṅgamekaikamuttamam ||
sthāpitaṃ parayā bhaktyā varaprāsādamāśritam
||5||अश्वत्थाम्ना पृथक्त्वेन लिङ्गमेकैकमुत्तमम् ॥
स्थापितं परया भक्त्या वरप्रासादमाश्रितम्
tathā saṃsthāpitaṃ tatra viṣṇunā prabhaviṣṇunā ||
liṃgaṃ prāsādamādhāya prottuṃgaśikharānvitam
||6||तथा संस्थापितं तत्र विष्णुना प्रभविष्णुना ॥
लिंगं प्रासादमाधाय प्रोत्तुंगशिखरान्वितम्
sātvatenāpi sāṃbena balabhadreṇa dhīmatā ||
pradyumenāniruddhena tathānyairmukhyayādavaiḥ
||7||सात्वतेनापि सांबेन बलभद्रेण धीमता ॥
प्रद्युमेनानिरुद्धेन तथान्यैर्मुख्ययादवैः
cārudeṣṇādibhiḥ putrai rukmiṇyā daśabhiḥ sutaiḥ ||
liṃgānāṃ daśakaṃ mukhyaṃ sthāpitaṃ śraddhayānvitaiḥ
||8||चारुदेष्णादिभिः पुत्रै रुक्मिण्या दशभिः सुतैः ॥
लिंगानां दशकं मुख्यं स्थापितं श्रद्धयान्वितैः
evaṃ saṃsthāpya liṅgāni te sarve kurupāṃḍavāḥ ||
yādavāśca susaṃhṛṣṭā kṛtakṛtyāstadā|
'bhavan
||9||एवं संस्थाप्य लिङ्गानि ते सर्वे कुरुपांडवाः ॥
यादवाश्च सुसंहृष्टा कृतकृत्यास्तदा।
ऽभवन्
tatra sthitvā ciraṃ kālaṃ dattvā dānānyanekaśaḥ ||
dhanāḍhyānbrāhmaṇānkṛtvā camatkārapurodbhavān
||10||तत्र स्थित्वा चिरं कालं दत्त्वा दानान्यनेकशः ॥
धनाढ्यान्ब्राह्मणान्कृत्वा चमत्कारपुरोद्भवान्
dattvā tebhyo varānnāgānha yāñjātyānanekaśaḥ ||
sadgrāmāṇi vicitrāṇi kṣetrāṇi ca sudhenavaḥ
||11||दत्त्वा तेभ्यो वरान्नागान्ह याञ्जात्याननेकशः ॥
सद्ग्रामाणि विचित्राणि क्षेत्राणि च सुधेनवः
mahokṣāṃśca suvastrāṇi bhūsthānānyāśrayāṃstathā ||
dāsīdāsāṃstathā bhṛtyāndānāni vividhāni ca
||12||महोक्षांश्च सुवस्त्राणि भूस्थानान्याश्रयांस्तथा ॥
दासीदासांस्तथा भृत्यान्दानानि विविधानि च
tata āmantrya tānsarvānpraṇipatya muhurmuhuḥ ||
svasthānaṃ prati saṃhṛṣṭāḥ prajagmuḥ sarva eva te
||13||तत आमन्त्र्य तान्सर्वान्प्रणिपत्य मुहुर्मुहुः ॥
स्वस्थानं प्रति संहृष्टाः प्रजग्मुः सर्व एव ते
sūta uvāca
etadvaḥ sarvamākhyātaṃ sthāpitaṃ tena bhūbhujā ||
tathā taddhṛtarāṣṭreṇa liṃgaṃ pātakanāśanam
||14||एतद्वः सर्वमाख्यातं स्थापितं तेन भूभुजा ॥
तथा तद्धृतराष्ट्रेण लिंगं पातकनाशनम्
tathānyairapi bhūpālaiḥ prādhānyena vyavasthitaiḥ ||
pāṇḍavairyādavaiścaiva pṛthaktvena vyavasthitaiḥ
||5||तथान्यैरपि भूपालैः प्राधान्येन व्यवस्थितैः ॥
पाण्डवैर्यादवैश्चैव पृथक्त्वेन व्यवस्थितैः
yastāni puruṣaḥ samyakpūjayedbhaktibhāvitaḥ ||
sa labheccākhilānkāmānvāṃchitānsvena cetasā
||16||यस्तानि पुरुषः सम्यक्पूजयेद्भक्तिभावितः ॥
स लभेच्चाखिलान्कामान्वांछितान्स्वेन चेतसा
iti śrīskāṃde mahāpurāṇa ekāśītisāhasryāṃ saṃhitāyāṃ ṣaṣṭhenāgarakhaṇḍe hāṭakeśvarakṣetramāhātmye kauravapāṇḍavayādavakṛtaliṃga pratiṣṭhāvṛttāṃtavarṇanaṃnāma catuḥsaptatitamo'dhyāyaḥ || 74 ||