viśvāmitramenakāsaṃvādavarṇanam
menakovāca
anyāstā nāyikā vipra yāsāṃ dharmastvayoditaḥ ||
svecchācāravihāriṇyo vayaṃ veśyā divaukasām
||1||अन्यास्ता नायिका विप्र यासां धर्मस्त्वयोदितः ॥
स्वेच्छाचारविहारिण्यो वयं वेश्या दिवौकसाम्
sa tvaṃ vada mahābhāga kasmāddeśātsamāgataḥ ||
mama cittaharo vāpi tīrthe dharmiṣṭhasaṃśraye
||2||स त्वं वद महाभाग कस्माद्देशात्समागतः ॥
मम चित्तहरो वापि तीर्थे धर्मिष्ठसंश्रये
tvāṃ dṛṣṭvāhaṃ mahābhāga kāmadeva samākṛtim ||
pulakāṃcitasarvāṃgī kāmabāṇaprapīḍitā
||3||त्वां दृष्ट्वाहं महाभाग कामदेव समाकृतिम् ॥
पुलकांचितसर्वांगी कामबाणप्रपीडिता
tasmādbhajasva māṃ raktāṃ no cedyāsyāmi saṃkṣayam ||
kāmabāṇapradagdhā vai puro'pi tava tāpasa ||
tataḥ strīvadhapāpena lipyase tvaṃ na saṃśayaḥ
||4||तस्माद्भजस्व मां रक्तां नो चेद्यास्यामि संक्षयम् ॥
कामबाणप्रदग्धा वै पुरोऽपि तव तापस ॥
ततः स्त्रीवधपापेन लिप्यसे त्वं न संशयः
tāpasa uvāca
vayaṃ vratadharāḥ subhru brahmacaryaparāyaṇāḥ ||
mūrkhāḥ kāmavidhau bhadre niratāḥ śivaśāsane
||5||वयं व्रतधराः सुभ्रु ब्रह्मचर्यपरायणाः ॥
मूर्खाः कामविधौ भद्रे निरताः शिवशासने
sarveṣāṃ vratināṃ mūlaṃ brahmacaryamudāhṛtam ||
viśeṣācchivabhaktānāmevaṃ bhūyo vidhāsyasi
||6||सर्वेषां व्रतिनां मूलं ब्रह्मचर्यमुदाहृतम् ॥
विशेषाच्छिवभक्तानामेवं भूयो विधास्यसि
api varṣaśataṃ sāgraṃ yattapaḥ kurute vratī ||
sakṛtstrīsaṃgamānnāśaṃ yāti pāśupatasya ca
||7||अपि वर्षशतं साग्रं यत्तपः कुरुते व्रती ॥
सकृत्स्त्रीसंगमान्नाशं याति पाशुपतस्य च
māṃ ca pāśupataṃ lubdhā kasmāttvaṃ bhīru bhāṣase ||
īdṛkpāpatamaṃ karma garhitaṃ śivaśāsane
||8||मां च पाशुपतं लुब्धा कस्मात्त्वं भीरु भाषसे ॥
ईदृक्पापतमं कर्म गर्हितं शिवशासने
yaḥ strīṃ bhajati pāpātmā vṛthā pāśupatavratī ||
so'tītāndaśa cādhāya puruṣānnarake pacet
||9||यः स्त्रीं भजति पापात्मा वृथा पाशुपतव्रती ॥
सोऽतीतान्दश चाधाय पुरुषान्नरके पचेत्
āstāṃ tāvatsamā saṃgaṃ saṃsparśaṃ ca varānane ||
saṃbhāṣamapi pāpāya strībhiḥ pāśupatasya ca
||10||आस्तां तावत्समा संगं संस्पर्शं च वरानने ॥
संभाषमपि पापाय स्त्रीभिः पाशुपतस्य च
tasmād drutataraṃ gaccha sthānādasmādvarāṃgane ||
yatrāvāpsyasi cābhīṣṭaṃ tatra tvaṃ gantumarhasi
||11||तस्माद् द्रुततरं गच्छ स्थानादस्माद्वरांगने ॥
यत्रावाप्स्यसि चाभीष्टं तत्र त्वं गन्तुमर्हसि
iti śrīskāṃde mahāpurāṇa ekāśītisāhasryāṃ saṃhitāyāṃ ṣaṣṭhe nāgarakhaṇḍe hāṭakeśvarakṣetramāhātmye viśvāmitrakuṇḍotpattivṛttānte viśvāmitramenakāsaṃvādavarṇanaṃnāma tricatvāriṃśo'dhyāyaḥ || 43 ||