evaṃ taṃ niḥspṛhaṃ jñātvā gṛhaṃ prati nijātmajam
sūta uvāca
evaṃ taṃ niḥspṛhaṃ jñātvā gṛhaṃ prati nijātmajam ||
piṃgalā duḥkhasaṃyuktā vyāsametaduvāca ha
||1||एवं तं निःस्पृहं ज्ञात्वा गृहं प्रति निजात्मजम् ॥
पिंगला दुःखसंयुक्ता व्यासमेतदुवाच ह
ahaṃ tapaścariṣyāmi putrārthaṃ dvijasattama ||
anujñāṃ dehi me yena toṣayāmi maheśvaram ||
putro yena bhavenmahyaṃ vaṃśavṛddhikaraḥ paraḥ
||2||अहं तपश्चरिष्यामि पुत्रार्थं द्विजसत्तम ॥
अनुज्ञां देहि मे येन तोषयामि महेश्वरम् ॥
पुत्रो येन भवेन्मह्यं वंशवृद्धिकरः परः
evaṃ sā niścayaṃ kṛtvā labdhvānujñāṃ munestataḥ ||
kṣetrametatsamāsādya tapastepe pativratā
||3||एवं सा निश्चयं कृत्वा लब्ध्वानुज्ञां मुनेस्ततः ॥
क्षेत्रमेतत्समासाद्य तपस्तेपे पतिव्रता
saṃsthāpya śaṃkaraṃ devaṃ tadagre nirmalodakam ||
kṛtvā vāpīṃ suvistīrṇāṃ snānātpātakanāśanīm
||4||संस्थाप्य शंकरं देवं तदग्रे निर्मलोदकम् ॥
कृत्वा वापीं सुविस्तीर्णां स्नानात्पातकनाशनीम्
tatastasyā gatastuṣṭiṃ bhagavāṃstripurāṃtakaḥ ||
varado'smīti tāṃ prāha prahṛṣṭenāṃtarātmanā
||5||ततस्तस्या गतस्तुष्टिं भगवांस्त्रिपुरांतकः ॥
वरदोऽस्मीति तां प्राह प्रहृष्टेनांतरात्मना
śrīmahādeva uvāca
parituṣṭo'smi te bhadre varaṃ varaya suvrate ||
yaḥ sthito hṛdaye nityaṃ nādeyaṃ vidyate mama
||6||परितुष्टोऽस्मि ते भद्रे वरं वरय सुव्रते ॥
यः स्थितो हृदये नित्यं नादेयं विद्यते मम
vaṭikovāca
sutaṃ dehi suraśreṣṭha mama vaṃśavivardhanam ||
cittāhlādakaraṃ nityaṃ suśīlaṃ vinayānvitam
||7||सुतं देहि सुरश्रेष्ठ मम वंशविवर्धनम् ॥
चित्ताह्लादकरं नित्यं सुशीलं विनयान्वितम्
śrīmahādeva uvāca
bhaviṣyati na saṃdehastava putraḥ suśobhane ||
yādṛktvayā mahābhāge prārthitastadviśeṣataḥ
||8||भविष्यति न संदेहस्तव पुत्रः सुशोभने ॥
यादृक्त्वया महाभागे प्रार्थितस्तद्विशेषतः
anyāpi mānuṣī yā'tra vāpyāṃ snātvā samāhitā ||
pañcamyāṃ vatsaraṃ yāvacchuklapakṣe hyupasthite ||
pūjayiṣyati malliṃgaṃ yaccādya sthāpitaṃ tvayā
||9||अन्यापि मानुषी याऽत्र वाप्यां स्नात्वा समाहिता ॥
पञ्चम्यां वत्सरं यावच्छुक्लपक्षे ह्युपस्थिते ॥
पूजयिष्यति मल्लिंगं यच्चाद्य स्थापितं त्वया
sātha lapsyati satputraṃ dattvā phalamanuttamam ||
yā ca daurbhāgyasaṃyuktā tṛtīyādivase'tra vai
||10||साथ लप्स्यति सत्पुत्रं दत्त्वा फलमनुत्तमम् ॥
या च दौर्भाग्यसंयुक्ता तृतीयादिवसेऽत्र वै
snātvā'tra salile paścānmalliṃgaṃ pūjayiṣyati ||
sā saubhāgya samopetā varṣāṃte ca bhaviṣyati
||11||स्नात्वाऽत्र सलिले पश्चान्मल्लिंगं पूजयिष्यति ॥
सा सौभाग्य समोपेता वर्षांते च भविष्यति
yaḥ punaḥ puruṣaścātra snātvā māṃ pūjayiṣyati ||
sakāmo lapsyate kāmānvikāmo mokṣameva ca
||12||यः पुनः पुरुषश्चात्र स्नात्वा मां पूजयिष्यति ॥
सकामो लप्स्यते कामान्विकामो मोक्षमेव च
evamuktvā mahādevastataścādarśanaṃ gataḥ ||
sā'pi lebhe sutaṃ vyāsātkapiṃjalamiti śrutam
||13||एवमुक्त्वा महादेवस्ततश्चादर्शनं गतः ॥
साऽपि लेभे सुतं व्यासात्कपिंजलमिति श्रुतम्
yādṛktena purā prokto devadevena śūlinā ||
yenaiva sthāpitā cātra devī kelīvarī purā ||
sarvasiddhipradā loke tatra yā''rādhitā purā
||14||यादृक्तेन पुरा प्रोक्तो देवदेवेन शूलिना ॥
येनैव स्थापिता चात्र देवी केलीवरी पुरा ॥
सर्वसिद्धिप्रदा लोके तत्र याऽऽराधिता पुरा
iti śrīskāṃde mahāpurāṇa ekāśītisāhasryāṃ saṃhitāyāṃ ṣaṣṭhe nāgarakhaṇḍe hāṭakeśvarakṣetramāhātmye vaṭikeśvaramāhātmyavarṇanaṃ nāmāṣṭacatvāriṃśadadhikaśatatamo'dhyāyaḥ || 148 ||