gāyatrīvarapradānaḥ
ṛṣaya ūcuḥ
evaṃ gatāyāṃ sāvitryāṃ sakopāyāṃ ca sūtaja ||
kiṃ kṛtaṃ tatra gāyatryā brahmādyaiścāpi kiṃ suraiḥ
||1||एवं गतायां सावित्र्यां सकोपायां च सूतज ॥
किं कृतं तत्र गायत्र्या ब्रह्माद्यैश्चापि किं सुरैः
etatsarvaṃ samācakṣva paraṃ kautūhalaṃ hi naḥ ||
kathaṃ śāpānvitā devāḥ saṃsthitāstatra maṇḍape
||2||एतत्सर्वं समाचक्ष्व परं कौतूहलं हि नः ॥
कथं शापान्विता देवाः संस्थितास्तत्र मण्डपे
sūta uvāca
gatāyāmatha sāvitryāṃ śāpaṃ dattvā dvijottamāḥ ||
gāyatrī sahasotthāya vākyametadudairayat
||3||गतायामथ सावित्र्यां शापं दत्त्वा द्विजोत्तमाः ॥
गायत्री सहसोत्थाय वाक्यमेतदुदैरयत्
sāvitryā yadvacaḥ proktaṃ tanna śakyaṃ kathaṃcana ||
anyathā kartumevātha sarvairapi surāsuraiḥ
||4||सावित्र्या यद्वचः प्रोक्तं तन्न शक्यं कथंचन ॥
अन्यथा कर्तुमेवाथ सर्वैरपि सुरासुरैः
mahāsatī mahābhāgā sāvitrī sā pativratā ||
pūjyā ca sarvadevānāṃ jyeṣṭhā śreṣṭhā ca sadgaṇaiḥ
||5||महासती महाभागा सावित्री सा पतिव्रता ॥
पूज्या च सर्वदेवानां ज्येष्ठा श्रेष्ठा च सद्गणैः
paraṃ strīṇāṃ svabhāvo'yaṃ sarvāsāṃ surasattamāḥ ||
api sahyo vajrapātaḥ sapatnyā na punaḥ kathā
||6||परं स्त्रीणां स्वभावोऽयं सर्वासां सुरसत्तमाः ॥
अपि सह्यो वज्रपातः सपत्न्या न पुनः कथा
matkṛte ye'tra śapitā sāvitryā brāhmaṇāḥ surāḥ ||
teṣāmahaṃ kariṣyāmi śaktyā sādhāraṇāṃ svayam
||7||मत्कृते येऽत्र शपिता सावित्र्या ब्राह्मणाः सुराः ॥
तेषामहं करिष्यामि शक्त्या साधारणां स्वयम्
apūjyo'yaṃ vidhiḥ proktastayā maṃtrapuraḥsaraḥ ||
sarveṣāmeva varṇānāṃ viprādīnāṃ suro ttamāḥ
||8||अपूज्योऽयं विधिः प्रोक्तस्तया मंत्रपुरःसरः ॥
सर्वेषामेव वर्णानां विप्रादीनां सुरो त्तमाः
brahmasthāneṣu sarveṣu samaye dharaṇītale ||
na brahmaṇā vinā kiṃcitkṛtyaṃ siddhimupaiṣyati
||9||ब्रह्मस्थानेषु सर्वेषु समये धरणीतले ॥
न ब्रह्मणा विना किंचित्कृत्यं सिद्धिमुपैष्यति
kṛṣṇārcane ca yatpuṇyaṃ yatpuṇyaṃ liṃga pūjane ||
tatphalaṃ koṭiguṇitaṃ sadā vai brahmadarśanāt ||
bhaviṣyati na sandeho viśeṣātsarvaparvasu
||10||कृष्णार्चने च यत्पुण्यं यत्पुण्यं लिंग पूजने ॥
तत्फलं कोटिगुणितं सदा वै ब्रह्मदर्शनात् ॥
भविष्यति न सन्देहो विशेषात्सर्वपर्वसु
tvaṃ ca viṣṇo tayā prokto martyajanma yadā'psyasi ||
tatrāpi parabhṛtyatvaṃ pareṣāṃ te bhaviṣyati
||11||त्वं च विष्णो तया प्रोक्तो मर्त्यजन्म यदाऽप्स्यसि ॥
तत्रापि परभृत्यत्वं परेषां ते भविष्यति
tatkṛtvā rūpadvitayaṃ tatra janma tvamāpsyasi ||
yattayā kathito vaṃśo mamāyaṃ gopasaṃjñitaḥ ||
tatra tvaṃ pāvanārthāya ciraṃ vṛddhimavāpsyasi
||12||तत्कृत्वा रूपद्वितयं तत्र जन्म त्वमाप्स्यसि ॥
यत्तया कथितो वंशो ममायं गोपसंज्ञितः ॥
तत्र त्वं पावनार्थाय चिरं वृद्धिमवाप्स्यसि
ekaḥ kṛṣṇābhidhānastu dvitīyo'rjunasaṃjñitaḥ ||
tasyātmano'rjunākhyasya sārathyaṃ tvaṃ kariṣyasi
||13||एकः कृष्णाभिधानस्तु द्वितीयोऽर्जुनसंज्ञितः ॥
तस्यात्मनोऽर्जुनाख्यस्य सारथ्यं त्वं करिष्यसि
tenākṛtye'pi raktāste gopā yāsyaṃti ślāghyatām ||
sarveṣāmeva lokānāṃ devānāṃ ca viśeṣataḥ
||14||तेनाकृत्येऽपि रक्तास्ते गोपा यास्यंति श्लाघ्यताम् ॥
सर्वेषामेव लोकानां देवानां च विशेषतः
yatrayatra ca vatsyaṃti madvaṃ śaprabhavānarāḥ ||
tatratatra śriyo vāso vane'pi prabhaviṣyati
||15||यत्रयत्र च वत्स्यंति मद्वं शप्रभवानराः ॥
तत्रतत्र श्रियो वासो वनेऽपि प्रभविष्यति
bhobhoḥ śakra bhavānukto yattayā kopayuktayā ||
parājayaṃ ripoḥ prāpya kārā gāre patiṣyati
||16||भोभोः शक्र भवानुक्तो यत्तया कोपयुक्तया ॥
पराजयं रिपोः प्राप्य कारा गारे पतिष्यति
tanmuktiṃ te svayaṃ brahmā madvākyena kariṣyati
||17||तन्मुक्तिं ते स्वयं ब्रह्मा मद्वाक्येन करिष्यति
tataḥ praviṣṭaḥ saṃgrāme na parājayamāpsyasi ||
tvaṃ vahne sarvabhakṣaśca yatprokto ruṣṭayā tayā
||18||ततः प्रविष्टः संग्रामे न पराजयमाप्स्यसि ॥
त्वं वह्ने सर्वभक्षश्च यत्प्रोक्तो रुष्टया तया
tadamedhyamapi prāyaḥ spṛṣṭaṃ te'rccirbhiragrataḥ ||
medhyatāṃ yāsyati kṣipraṃ tataḥ pūjāmavāptyasi
||19||तदमेध्यमपि प्रायः स्पृष्टं तेऽर्च्चिर्भिरग्रतः ॥
मेध्यतां यास्यति क्षिप्रं ततः पूजामवाप्त्यसि
svāhā nāma ca bhāryā yā devānsantarpayiṣyati ||
svadhā cā'pi pitṝnsarvānmama vākyādasaṃśayam
||2||स्वाहा नाम च भार्या या देवान्सन्तर्पयिष्यति ॥
स्वधा चाऽपि पितॄन्सर्वान्मम वाक्यादसंशयम्
yadrudra priyayā sārdhaṃ viyogaḥ kathitastayā ||
tasyāḥ śreṣṭha tarā cānyā tava bhāryā bhaviṣyati ||
gaurīnāmeti vikhyātā himācalasutā śubhā
||21||यद्रुद्र प्रियया सार्धं वियोगः कथितस्तया ॥
तस्याः श्रेष्ठ तरा चान्या तव भार्या भविष्यति ॥
गौरीनामेति विख्याता हिमाचलसुता शुभा
iti śrīskāṃde mahāpurāṇa ekāśītisāhasryāṃ saṃhitāyāṃ ṣaṣṭhenāgarakhaṇḍe hāṭakeśvarakṣetramāhātmye gāyatrīvarapradānonāma trinavatyuttaraśatatamo'dhyāyaḥ || 193 ||